सोनाक्षी सिन्हा नेहमीच वाढत्या वजनाच्या मुद्दयावरून कोणीतरी ट्रोल करत असते. अशा सगळ्या पब्लिकला सोनाक्षीने एक सडेतोड उत्तर दिले आहे. सोशल मिडीयावर सोनाक्षीने स्वतःचा लहानपणचा एक व्हिडीओ पोस्ट केला आहे. त्यामध्ये सोनाक्षी अगदी शाळकरी मुलीसारखी दिसते आहे.
डोळ्यांवर चष्मा आणि हेअरबॅन्ड लावलेली ही मुलगी म्हणजे सोनाक्षी सिन्हा आहे, हे कोणालाही सांगूनही खरे वाटणार नाही. तिच्या शेजारी पप्पा शत्रुघ्न सिन्हाही उभे आहेत आणि त्यांनी सोनाक्षीसमोर माईक धरला आहे. तेंव्हाची सोनाक्षी आणि आताची सोनाक्षी यामध्ये “जमीन आस्मान’चे अंतर आहे.
फिल्म इंडस्ट्रीमध्ये येण्याआगोदरपर्यंत तिचे वजन खूप होते. पण सलमान खानच्या सूचनेनुसार तिने आपला डाएट प्लॅन केला आणि रेग्युलर एक्‍सरसाईज करायलाही सुरुवात केली. त्यानंतर ती अगदी स्लीम आणि हॉट दिसायला लागली.
तिच्यात हा बदल झाल्यानंतर तिला सलमानबरोबर “दबंग’साठी निवडले गेले होते, “दबंग’च्या तिसऱ्या फ्रॅंचायजीचे शुटिंग सध्या ती करते आहे. सोनाक्षीतील हा बदल नक्कीच कौतुकास्पद आहे. तिने तो घडवून आणला आहे. म्हणूनच त्याचे श्रेय तिला द्यायलाच पाहिजे.
