IND vs SA T20 Series : उद्यापासून भारत आणि दक्षिण आफ्रिका यांच्यात ३ सामन्यांची टी-२० मालिका खेळवली जाणार आहे. भारतीय संघ ऑस्ट्रेलियाविरुध्दची टी-२० मालिका २-१ ने जिंकला आहे. आता भारतासमोर दक्षिण आफ्रिकेच्या संघाचे तगडे आव्हान असणार आहे. त्याचबरोबर विश्वचषक २०२२ अगोदर तयारी करण्यासाठी भारताकडे ही शेवटची संधी राहिली आहे. उभय संघातील टी-२० मालिका २८ सप्टेंबर म्हणजे उद्यापासून सुरु होणार आहे.
दक्षिण आफ्रिकेविरुद्धच्या टी-२० मालिकेसाठी ( IND vs SA T20 Series ) अष्टपैलू खेळाडू हार्दिक पंड्या आणि अनुभवी वेगवान गोलंदाज भुवनेश्वर कुमार यांना आराम देण्यात आलेला आहे. त्याचबरोबर संघात आणखी बदल होण्याची शक्यता आहे. अष्टपैलू खेळाडू दीपक हुडा पाठीच्या दुखापतीमुळे या मालिकेतून बाहेर पडण्याची शक्यता आहे. असे झाल्यास त्याच्या जागी फलंदाज श्रेयस अय्यरला संघात दिले जाण्याची दाट शक्यता आहे. ( Shreyas Iyer likely to selected for T20 series against South Africa )
एका क्रिकेट संकेतस्थळाने दिलेल्या वृत्तानुसार, दक्षिण आफ्रिकेविरुद्धच्या टी-२० मालिकेसाठी ( IND vs SA T20 Series ) दीपक हुडाच्या दुखपतीमुळे श्रेयस अय्यरची संघात पुनरागमन करण्याची शक्यता आहे. तर मोहम्मद शमी कोरोनातून पूर्णतः बरा न झाल्यास त्याजागी फिरकी गोलंदाज शहाबाज अहमद याला संघात स्थान मिळू शकते.
भारत विरुध्द दक्षिण आफ्रिका टी-२० मालिका – पहिला सामना २८ सप्टेंबर तिरुवनंतपुरम, दुसरा सामना २ ऑक्टोबर गुवाहाटी, तिसरा सामना ४ ऑक्टोबर इंदोर.
भारताचा टी-२० संघ – रोहित शर्मा (कर्णधार) केएल राहुल (उपकर्णधार) विराट कोहली, सूर्यकुमार यादव, दीपक हुडा, ऋषभ पंत (यष्टीरक्षक) दिनेश कार्तिक (यष्टीरक्षक) आर अश्विन, युझवेन्द्र चहल, अक्षर पटेल, अर्शदीप सिंग, मोहम्मद शमी, हर्षल पटेल, दीपक चाहर, जसप्रीत बुमराह.
