पुणे – मार्केटयार्डात रविवारी बहुतांश पालेभाज्यांच्या भावात वाढ झाली आहे. यामध्ये कोथिंबीर, मेथी, चाकवत, करडई, पुदीना, मुळा, पालक आणि हरभरागड्डीचा समावेश आहे. तर, मागणी आणि पुरवठा यातील समतोलामुळे उर्वरित शेपू, कांदापात, अंबाडी, राजगिरा, चुका आणि चवळईचे भाव स्थिर आहेत.
पालेभाज्यांमध्ये कोथिंबीरीची आवक 80 हजार जुडी, मेथीची 40 हजार जुडींची आवक झाली. गेल्या आठवड्याच्या तुलनेत कोथिंबीर, मेथी, पुदीन्याच्या भावात घाऊक बाजारात जुडीमागे दोन रुपये, तर चाकवत, करडई, मुळा, पालक आणि हरभरागड्डीच्या भावात जुडीमागे प्रत्येकी एक रुपयांची वाढ झाल्याची माहिती व्यापाऱ्यांनी दिली.
पालेभाज्यांचे शेकड्यातील भाव
कोथिंबीर : 800-1200, मेथी : 600-800, शेपू : 400-500, कांदापात : 500-600, चाकवत : 400-600, करडई : 400-500, पुदिना : 300-500, अंबाडी : 300-500, मुळा : 600-800, राजगिरा : 400-500, चुका : 400-500, चवळई : 400-500, पालक : 600-800, हरभरा गड्डी : 600-800.