पुणे – भारतीय जनता पक्षाचे खासदार किरीट सोमय्या आणि शिवसैनिक यांच्यात पुणे महापालिकेत मोठा गोंधळ झाला. यावेळी किरीट सोमय्या यांना शिवसैनिकांकडून धक्काबुक्की करत मारहाण करण्यात आल्याचा दावा करण्यात येत आहे. याचे व्हिडीओ देखील समोर आले आहेत. यावर आता आंदोलक शिवसैनिकांनी आपली भूमिका स्पष्ट केली आहे.
शिवसेनेचे शहराध्यक्ष संजय मोरे म्हणाले की, महापालिकेच्या पाण्याच्या प्रकल्पासह इतर प्रकल्पात मोठे घोटाळे झाले आहेत. हे घोटाळे सोमय्या यांच्या निदर्शनास आणून द्यायचे होते. त्यासाठी निवेदन देण्याचा आम्ही प्रयत्न करत होतो. मात्र निवेदनाचा स्वीकार न करता सोमय्या यांनी माझ्यावरच गाडी घालण्याचा प्रयत्न केल्याचा दावा मोरे यांनी केला.
दरम्यान शिवसैनिकांच्या रोषापुढे सोमय्यांना पळता धुई थोडी झाली. आमच्या शिवसेनेवर खोटेनाटे आरोप केले तर आम्ही खपवून घेणार नाही. तुमच्यात हिंमत असेल तर पुणे महापालिकेत भ्रष्टाचार बाहेर काढा, असं आव्हानही संजय मोरे यांनी यावेळी दिलं.