नवसारी – आम आदमी पक्षाचे नेते अरविंद केजरीवाल पक्षाचा प्रचार करण्यासाठी गुजरातच्या नवसारी येथे आले असताना त्यांना निदर्शनांचा सामना करावा लागला. केजरीवाल यांचा ताफा जात असताना त्यांना काळे झेंडे दाखवण्यात आले व चोर चोरच्या घोषणाही देण्यात आल्या. जमावाने यावेळी मोदी मोदी असे नारेही दिले.
यापूर्वी वडोदरा येथेही केजरीवाल यांना विरोधाचा सामना करावा लागला. त्यावेळी काही लोकांने गो बॅक केजरीवालचे बॅनर हातात धरले होते. गेल्या महिन्यात 20 तारखेलाही त्यांना अशाच प्रकारच्या विरोधाचा सामना करावा लागला होता.
वडोदरा विमानतळावर केजरीवाल दाखल झाल्यावर लगेचच मोदी मोदी अशा घोषणा देत त्यांचे स्वागत करण्यात आले होते. आपचे अन्य नेते मनिष सिसोदिया अंबाजी मंदिरात आले असताना त्यांनाही विरोध करण्यात आला होता.