वेलिंग्टन :– न्यूझीलंडचा ऑफस्पिनर विल सोमरविलेने पुढील महिन्यात देशांतर्गत हंगामाच्या शेवटी सर्व प्रकारच्या आंतरराष्ट्रीय क्रिकेटमधून निवृत्ती घेणार असल्याचे जाहीर केले आहे. सोमरविलेने 2018 ते 2021 दरम्यान न्यूझीलंडसाठी सहा कसोटी सामने खेळले आहेत.
यादरम्यान त्याने एकूण 15 विकेट्‌स घेतल्या आहेत. त्याची सर्वोत्तम कामगिरी पाकिस्तानविरुद्ध होती. अबुधाबीमध्ये पाकिस्तानविरुद्धच्या पदार्पणाच्या कसोटी सामन्यात त्याने सात विकेट्‌स घेतल्या होत्या. त्याच्या शानदार कामगिरीमुळे न्यूझीलंडने पाकिस्तानचा 123 धावांनी पराभव केला होता. डिसेंबर 2021 मध्ये सोमरविलेने वानखेडे स्टेडियम, मुंबई येथे भारताविरुद्ध शेवटची कसोटी खेळली होती.
सोमरविलेने 2004 मध्ये ओटागोसाठी प्रथम श्रेणी क्रिकेटमध्ये पदार्पण केले होते. आता तो 1 ते 4 एप्रिल दरम्यान नेल्सनमधील सेंट्रल स्टॅग्सविरुद्ध शेवटचा सामना खेळणार आहे. त्याने प्रथम श्रेणी क्रिकेटमध्ये 156 विकेट्‌स घेतल्या आहेत.
Swiss Open 2023 : पी.व्ही. सिंधूची ‘हाराकिरी’ कायम; सात्विक-चिरागची आगेकूच
“वयाच्या 30 व्या वर्षी व्यावसायिक क्रिकेटर बनल्यानंतर मी जे विचार केले होते, त्यापेक्षा जास्त मी साध्य केले आहे, त्यामुळे मी माझ्या कामगिरीवर समाधानी आहे,’ असे निवृत्तीची घोषणा करतान सोमरविलेने म्हटले आहे.
