#INDvSA Shami ruled out, Chahar withdrawn : भारतीय क्रिकेट संघ रविवारपासून दक्षिण आफ्रिकेविरुद्धच्या तीन सामन्यांच्या वनडे मालिकेत सहभागी होणार आहे. टीम इंडियाने या दौऱ्याची सुरुवात T20 मालिकेने केली जी 1-1 अशी बरोबरीत राहिली. आता वनडे मालिका जिंकण्याकडे सर्वांचे लक्ष लागले आहे. मात्र मालिका सुरू होण्याच्या एक दिवस आधी भारताला धक्का बसला. त्याचे दोन महत्त्वाचे खेळाडू या दौऱ्यातून बाहेर झाले आहेत. हे दोघेही वेगवान गोलंदाज आहेत. एक दीपक चहर आणि दुसरा मोहम्मद शमी.
दीपक एकदिवसीय संघाचा भाग होता पण त्याने या मालिकेतून आपले नाव मागे घेतले आहे. शमी हा कसोटी संघाचा भाग होता, मात्र तो मालिकेतून बाहेर झाला आहे. बीसीसीआयने एक निवेदन जारी करून ही माहिती दिली आहे.
नुकत्याच झालेल्या एकदिवसीय विश्वचषकात शमीने शानदार गोलंदाजी केली होती. एकदिवसीय विश्वचषकात सर्वाधिक विकेट घेणारा तो गोलंदाज होता. यानंतर तो जखमी झाल्याने त्याला विश्रांती देण्यात आली होती. त्यामुळे तो दक्षिण आफ्रिका दौऱ्यावर जाऊ शकणार नाही.
म्हणून दीपक झाला बाहेर…
दीपक चहर यांने कौटुंबिक कारणामुळे या दौऱ्यातून आपले नाव मागे घेतले आहे. भारतात ऑस्ट्रेलिया विरुद्ध खेळल्या गेलेल्या पाच सामन्यांच्या T20 मालिकेतील शेवटच्या दोन सामन्यांसाठी त्याचा टीम इंडियात समावेश करण्यात आला होता. चौथ्या सामन्यातही तो खेळला पण पाचव्या सामन्याआधी तो घरी परतला. त्यावेळी वडिलांची तब्येत बरी नसल्याच्या बातम्या आल्या होत्या. याच कारणामुळे दीपक दक्षिण आफ्रिका दौऱ्यावरही गेला नाही. आधी तो टी-20 मालिकेतून बाहेर झाला होता आणि आता तो एकदिवसीय मालिकेतही खेळू शकणार नाही.
बीसीसीआयने प्रसिद्धीपत्रकात माहिती दिली आहे की, वैद्यकीय कारणामुळे (Medical Emergency) दिपक चहर याने आपले नाव मागे घेतले आहे. शमीबाबत बीसीसीआयने सांगितले की, शमीचे कसोटी मालिकेत खेळणे त्याच्या तंदुरुस्तीवर अवलंबून आहे आणि तो बीसीसीआयच्या वैद्यकीय टीमची चाचणी पार करू शकला नाही, त्यामुळे तो कसोटी मालिकेतून बाहेर झाला आहे.
🚨 NEWS 🚨
Deepak Chahar withdrawn from the ODI series; Mohd. Shami ruled out of the Test series.
Details 🔽 #TeamIndia | #SAvIND https://t.co/WV86L6Cnmt pic.twitter.com/oGdSJk9KLK
— BCCI (@BCCI) December 16, 2023
या खेळाडूला मिळाले स्थान….
दीपक चहरने एकदिवसीय मालिकेतून आपले नाव मागे घेतल्यानंतर निवड समितीने त्याच्या जागी आकाश दीपला वनडे संघात स्थान दिले आहे. बंगालचा आकाश आयपीएलमध्ये रॉयल चॅलेंजर्स बंगळुरूकडून खेळतो. मात्र, बीसीसीआयने शमीच्या बदली खेळाडूबाबत अद्याप काहीही सांगितलेले नाही. याशिवाय राहुल द्रविड, फलंदाजी प्रशिक्षक विक्रम राठौर, गोलंदाजी प्रशिक्षक पारस महाम्ब्रे हे वनडे मालिकेत संघासोबत नसतील, असे बीसीसीआयने अधिकृतपणे स्पष्ट केले आहे. त्यांच्या जागी सितांशु कोटक (फलंदाजी प्रशिक्षक), राजीव दत्त (गोलंदाजी प्रशिक्षक), अजय रात्रा (क्षेत्ररक्षण प्रशिक्षक) वनडे मालिकेत संघासोबत असतील.