Government Job News | 10वी, 12वी आणि पदवीधर उमेदवारांसाठी Indian Air Force मध्ये नोकरीची सुवर्णसंधी; जाणून घ्या अर्ज करण्याची प्रक्रिया

नवी दिल्ली – दहावी, बारावी आणि पदवीधर उमेदवारांसाठी भारतीय वायु दलात (Indian Air Force) नोकरीची सुवर्णसंधी आहे. भारतीय वायु दलात अनेक युनिट्समध्ये ग्रुप सी सिविलयन पदांवर नोकरीसाठी अर्ज मागविण्यात येत आहे. अर्ज करण्याची शेवटची तारीख 02 मे 2021 आहे.

इंडियन एअर फोर्स (IAF) भरती 2021 नुसार, स्टेनोग्राफर, सीनियर काॅम्प्युटर ऑपरेटर, कुक, हाऊस कीपिंग स्टाफ, MTS, LDC, CS आणि SMW Supdt, कारपेंटर, लाॅन्ड्रीमन, हिंदी टायपिस्ट यांसह अनेक पदांवर भरती प्रक्रिया सुरु करण्यात आली आहे. एकूण 1524 जागांसाठी ही भरती होणार आहे.

पदांची नावे व पदसंख्या –

वेस्टर्न एअर कमांड युनिट – 362 पदे
सदर्न एअर कमांड युनिट – 28 पदे
ईस्टर्न एअर कमांड युनिट – 132 पदे
सेंट्रल एअर कमांड युनिट – 116 पदे
मेंटनेंस कमांड युनिट – 479 पदे
ट्रेनिंग कमांड युनिट – 407 पदे

या पदांसाठी पुढीलप्रमाणे पात्रता असणे आवश्यक आहे –

या पदांसाठी दहावी उत्तीर्ण, बारावी उत्तीर्ण आणि पदवीधर उमेदवार अर्ज करू शकतात. दहावी उत्तीर्ण विद्यार्थी हे सिविलियन मेकॅनिकल ट्रान्सपोर्ट ड्रायव्हर, कुक, पेंटर यासारख्या पदांसाठी अर्ज करू शकतात.

बारावी उत्तीर्ण उमेदवार लोअर डिविजन क्लर्क (LDC), स्टेनोग्राफर, हिंदी टायपिस्ट आणि स्टोर कीपर साठी अर्ज करू शकतात. तर पदवीधर उमेदवार सीनियर कॉम्प्युटर ऑपरेटर आणि सुपरीटेंडंट (स्टोर) पदासाठी अर्ज करू शकतात. पदांनुसार शैक्षणिक पात्रता वेगवेगळी आहे. संपूर्ण तपशीलासाठी अधिसूचना वाचा.

वयोमर्यादा
इंडियन एअर फोर्स भरती 2021 मध्ये सहभागी होणाऱ्या उमेदवारांचे किमान वय 18 वर्षे तर कमाल वय 25 वर्षे असावे. ओबीसी वर्गाच्या उमेदवारांना 3 वर्षे, एससी व एसटी प्रवर्गाच्या उमेदवारांना 5 वर्षे आणि दिव्यांग उमेदवारांना कमाल वयोमर्यादेत 10 वर्षांची सवलत मिळणार आहे.

पुढील प्रमाणे असेल निवड प्रक्रिया –
अर्ज केलेल्या उमेदवारांना शॉर्टलिस्ट केले जाईल. त्यानंतर उमेदवारांना लेखी परीक्षा द्यावी लागणार आहे. लेखी परीक्षा किमान शैक्षणिक योग्यतेवर आधारित असेल. शॉर्टलिस्ट झालेल्या उमेदवारांना ऑरिजनल डॉक्यूमेंट्स, अॅप्लिकेशन फॉर्म सोबत आणावे लागतील. लेखी परीक्षेत जनरल इंटेलिजेंस अँड रीझनिंग, न्यूमरिकल अॅप्टीट्यूड, जनरल इंग्लिश आणि जनरल अवेरनेस संबंधी प्रश्न विचारले जातील. पेपर आणि उत्तरपत्रिका चे माध्यम इंग्रजी आणि हिंदी या दोन भाषांमध्ये असेल.

अधिक माहिती आणि सविस्तर जाहिरातीसाठी इंडियन एअर फोर्सच्या अधिकृत वेबसाईटला भेट द्या. – indianairforce.nic.in