West Bengal Election – पश्चिम बंगाल विधानसभा निवडणुक कार्यक्रम आठ टप्प्यांमध्ये पार पडणार असून आतापर्यंत दोन टप्प्यांतील मतदान प्रक्रिया पार पडली आहे. राज्यात यंदा सत्ताधारी तृणमूल काँग्रेसपुढे भाजपने मोठं आव्हान उभा केलंय. भाजपने राज्यात आपली संपूर्ण ताकद पणाला लावली असून ममता बॅनर्जी यांच्या नेतृत्वाखाली तृणमूल काँग्रेस देखील निकराचा लढा देत आहे. अशातच आज ममता बॅनर्जी यांच्या समर्थनार्थ आज समाजवादी पक्षाच्या राज्यसभा खासदार जया बच्चन प्रचाराच्या मैदानात उतरल्या.
यावेळी जया बच्चन यांनी माध्यम प्रतिनिधींशी बोलताना, “त्यांनी ममता बॅनर्जी यांचं डोकं फोडलं, पाय मोडला, पण ते त्यांची हिंमत आणि बंगालला जगात भारी बनवण्याचा संकल्प तोडू शकले नाहीत. मला विश्वास आहे की ममता बॅनर्जी जे ठरवतील ते करतीलच” असं वक्तव्य केलं.
Head broken, leg broken but they have not been able to break her heart, brain, and her determination to move ahead and make Bengal one of the best in the world. I believe, whatever Mamata Ji wants to do, she will do it: Samajwadi Party (SP) MP Jaya Bachchan in Kolkata.
— ANI (@ANI) April 5, 2021
दरम्यान, पश्चिम बंगाल विधानसभा निवडणुकांसाठी ममता बॅनर्जींच्या समर्थनार्थ प्रचाराच्या मैदानात उतरण्याबाबत जया बच्चन यांनी, “माझ्या पक्षाचे नेते अखिलेश यादव यांनी मला तृणमूल काँग्रेसच्या समर्थनार्थ प्रचार करण्याबाबत विचारणा केली. मला ममता बॅनर्जी यांच्याबाबत आदर असून एक महिला या सर्व अत्याचाराविरोधात एकटी लढत आहे.” असं सांगितलं.
My party leader Akhilesh Yadav has asked me to come here to give my support to TMC. I have the utmost love and respect for Mamata ji, a single woman fighting against all atrocities: Samajwadi Party (SP) MP Jaya Bachchan in Kolkata. #WestBengalElections2021 pic.twitter.com/p0W6cZZvSN
— ANI (@ANI) April 5, 2021
राज्यात निवडणुकांचा तिसरा टप्पा उद्या (६ एप्रिल) पार पडणार आहे. यामध्ये ३१ विधानसभा मतदारसंघांसाठी मतदान होईल.