शिरुरमध्ये दै. प्रभात आयोजित ‘ऑटो झोन-2019’चा भव्य शुभारंभ

“ऑटो झोन-2019′: नामांकित कंपन्यांच्या कार्स खरेदी करण्याची सुवर्णसंधी

शिरुर: प्रभात वृत्तसेवा – पुण्याच्या ग्रामीण भागात वाहन विक्री आणि उद्योगाला चालना मिळण्याच्या हेतूने, “पुण्याची ओळख’ म्हणून प्रसिद्ध असलेल्या दै. प्रभातच्या वतीने “ऑटो झोन-2019′ या कार्सच्या तीन दिवसीय प्रदर्शनाचे आयोजन करण्यात आले आहे. शुक्रवार दि. 22 ते रविवार दि. 24 नोव्हेंबर अखेर हे प्रदर्शन शिरुर एसटी स्टॅंडजवळील न्यू इंग्लिश स्कूलच्या मैदानावर सकाळी 9 सायंकाळी 7 या वेळांत होणार आहे. तरी नव्याने वाहन खरेदी करु इच्छिणाऱ्या ग्राहकांनी मोठ्या संख्येने उपस्थित रहावे, असे आवाहन करण्यात आले आहे.

सदर “ऑटो झोन-2019’मध्ये एसयुव्ही अर्थात स्पोर्टस युटिलिटी व्हेईकल्स आणि एलसीव्ही अर्थात लाईट कमर्शियल व्हेईकल्सचे विशेष दालन असणार आहे. होंडा कार्ससाठी डेक्कन होंडा, व्यावसायिक वाहनांसाठी महिंद्रा आणि महिंद्राचे वितरक उन्नती मोटर्स, टाटा मोटर्सचे वितरक बाफना ऑटोमोटिव्ह, प्रवासी कार्ससाठी टाटा मोटर्सचे वितरक रुद्र मोटर्स, टोयोटा कार्ससाठी के. कोठारी टोयोटा, ह्युंदाई कार्ससाठी कोठारी-ह्युंदाई, अशोक लेलॅंडसाठी माय वर्ल्ड, होंडा मोटरसायकलसाठी दिग्विजय होंडा, रॉयल एनफील्डचे वितरक चोपडा मोटर्स अशा बहुतांश नामांकित कंपन्यांचे वितरक सहभागी होणार आहेत. तसेच ग्राहकांना कार खरेदीबरोबरच विशेष ऑफर्स, “स्पॉट फायनान्स’साठी वित्तीय कंपन्यांचे प्रतिनिधी, ऍक्‍सेसरीजमधील सवलती अशा अनेक गोष्टींचा अंतर्भाव “ऑटो झोन-2019’मध्ये असेल.
तालुक्‍यासह जिल्ह्यातील अनेक आमदार, लोकप्रतिनिधी, नामांकित या प्रदर्शनास हजेरी लावणार असून ग्राहकांनी जास्तीतजास्त संख्येने या संधीचा लाभ घ्यावा, असे आवाहन दै. प्रभाततर्फे करण्यात आले आहे.