पिंपरी -मी पिंपरी चिंचवड पोलीस आयुक्तालयाचे नेतृत्व करतो आहे. पण मला नेता व्हायचे नाही. तसेच मला सेलिब्रेटीही व्हायचे नाही. चांगले काम करुनही प्रसिध्दी मिळतेच, असे प्रतिपादन पोलीस आयुक्त कृष्ण प्रकाश यांनी केले.
सोमवारी (दि. 6) सर्व पक्ष आणि मानिनी महिला मंडळाच्यावतीने पोलीस आयुक्त कृष्ण प्रकाश यांचा महापौर माई ढोरे यांच्या हस्ते नागरी सत्कार आचार्य अत्रे सभागृहात करण्यात आला. यावेळी यावेळी खासदार श्रीरंग बारणे, माजी आमदार विलास लांडे, कामगार नेते बाबा कांबळे, नगरसेवक सचिन चिखले, मानिनी महिला मंडळाच्या अध्यक्षा सुवर्णा डंबाळे, रिपब्लिकन युवा मोर्चाचे पक्षनेते राहुल डंबाळे आदी उपस्थित होते.
सत्काराला उत्तर देताना पोलीस आयुक्त कृष्ण प्रकाश म्हणाले की, समाजकंटकांचे निर्दाळण करणे हे पोलिसांचे कर्तव्यच आहे. पोलीस आणि नागरीक एकत्र येऊन आणखी चांगले काम
करु शकतात.
खाकी वर्दी हा पोलिसांचा धर्म आणि कर्तव्य आहे. मी कर्तव्याचे पालन करणारा असून मागील वर्षात 4700 नागरीकांना मी भेटलो. त्यामुळे मला माणूस ओळखता येतो. गौतम बुध्दांनी सांगितल्याप्रमाणे “मै कोई बात करता हू उसपे विश्वास मत करो, मगर ये बात आपके बुध्दी, मन को सही लगे तो ही विश्वास करो’ याप्रमाणे मी वागतो.