ह्रितिक आणि टायगरच्या “वॉर’चा टिझर रिलीज 

हृतिक रोशन आणि टायगर श्रॉफ हे दोघेही लवकरच “वॉर’या ऍक्‍शनपटात दिसणार आहेत. गेल्या कित्येक महिन्यांपासून हे दोघे एकत्र काम करताना दिसणार अशा चर्चा होत्या. मात्र, या चित्रपटाबद्दल कमालीची गुप्तता पाळण्यात आली होती. अखेर या चित्रपटाचा पहिला टीझर सोमवारी प्रदर्शित करण्यात आला.

“तुझ्या ऍक्‍शनमध्ये कमतरता आहे, ते नीट कसे करतात हे मी तुला शिकवतो,’ असे म्हणत टायगरने हा टीझर शेअर केला. तर, याला ह्रितिकनेही तोडीस तोड उत्तर देत “ज्या क्षेत्राचा मी बादशहा आहे त्या क्षेत्रात तू आताच सुरुवात केली आहेस, थोडा वेळ आराम कर,’ असे म्हणत ह्रितिकने हा टिझर शेयर केला. 53 सेकंदांच्या या टीझरमध्ये अफलातून साहसदृश्‍य पाहायला मिळतात. यामध्ये अभिनेत्री वाणी कपूर देखील पाहायला मिळत आहे.

फॉरेन लोकेशन आणि भरपूर ऍक्‍शन, ड्रामा असलेल्या या टीझरने सर्वांचे लक्ष वेधून घेतले आहे. टायगर आणि हृतिक या दोघांची जबरदस्त जोडी “वॉर’ मध्ये दिसणार आहे. टीझरमध्ये दाखवण्यात आलेल्या ऍक्‍शन सीनमध्ये हृतिक आणि टायगर एकापेक्षा एक वरचढ दिसत आहेत. यशराज फिल्म या चित्रपटाची निर्मिती करणार असून 2 ऑक्‍टोबर रोजी हा चित्रपट प्रदर्शित होणार आहे.

Ads

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)