Gurucharan Singh । ‘तारक मेहता का उल्टा चष्मा’ या लोकप्रिय टीव्ही शोचे अभिनेते गुरुचरण सिंग बेपत्ता झाल्यानंतर सर्वत्र खळबळ उडाली आहे. गेल्या ५ दिवसांपासून अभिनेत्याचा पत्ता नाही. त्याचे कुटुंब चिंतेत आहे. प्रत्येकाच्या मनात एकच प्रश्न आहे की, आपल्या मजेशीर शैलीने सगळ्यांना हसवणारा आणि नेहमी आनंदी राहण्याचा सकारात्मक संदेश देणारा ‘रोशन सिंग सोधी’ कुठे गेला?
आतापर्यंत मिळालेल्या माहितीनुसार, गुरुचरण सिंह 22 एप्रिलला मुंबईला रवाना होणार होते. रात्री ८.३० वाजता ते दिल्ली विमानतळावर पोहोचले, पण त्यांनी प्रवास केला नाही. समोर आलेल्या सीसीटीव्ही फुटेजमध्ये अभिनेता आपली बॅग घेऊन रस्त्यावरून चालताना दिसत आहे. दरम्यान गुरुचरण सिंह गेल्या चार दिवसांपासून बेपत्ता असल्यामुळे कुटूंबियांच्या मनात कुठे जात होता, त्याचे फ्लाइट का चुकले, त्याचे कोणीतरी खरोखरच अपहरण केले आहे का, असे प्रश्न येत आहे.
या प्रकरणी दिल्लीच्या दक्षिण पश्चिम क्षेत्राचे डीसीपी रोहित मीणा म्हणाले,’गुरचरण सिंह यांच्या कुटुंबीयांनी आमच्याकडे तक्रार दाखल केली होती की,’ते 22 एप्रिल रोजी रात्री 8.30 वाजता मुंबईला निघाले होते. तेव्हापासून बेपत्ता होते. याप्रकरणी आम्ही गुन्हा दाखल केला असून वेगवेगळ्या बाजूने तपास करत आहोत. आम्ही सीसीटीव्ही फुटेज आणि तांत्रिक तपास करतोय. आम्हाला अनेक महत्त्वाचे क्लूस मिळाले आहेत. आम्ही आयपीसी कलम 365 अंतर्गत गुन्हा दाखल केला आहे. प्राथमिक तपासात सीसीटीव्हीच्या माध्यमातून त्याच्या हालचाली सुरू आहेत. ते बॅग घेऊन कुठेतरी जाताना दिसत आहे.
सीसीटीव्ही फुटेज समोर आले
26 एप्रिल रोजी गुरुचरणचे वडील हरगीत सिंग चिंतेत होते आणि त्यांनी दिल्लीतील पालम पोलीस ठाण्यात हरवल्याची तक्रार दाखल केली. आता दिल्ली पोलिसांना सीसीटीव्ही फुटेज मिळाले आहे. या फुटेजमध्ये गुरुचरण सिंग रात्री ९.१५ वाजता दिल्लीतील पालम भागातील परशुराम चौकात कुठेतरी जाताना दिसत आहे. सीसीटीव्हीत गुरुचरण पायी चालताना दिसत आहे. त्याच्या पाठीवर बॅग आहे. आज, 27 एप्रिल रोजी दिल्ली पोलिस गुरुचरण सिंह यांचे बँक तपशील तपासणार आहे, ज्यामुळे दिल्ली पोलिसांना अनेक सुगावा मिळू शकतात. गुरुचरण हे अनेक दिवसांपासून बेपत्ता होते
अभिनेता गुरचरण सिंग बेपत्ता झाल्याची बातमी 26 एप्रिल रोजी समोर आली होती. त्याचे वडील हरगीत सिंग यांनी वृत्त माध्यमांना बोलताना याची पुष्टी केली. ते म्हणाले की, ‘गुरुचरण सिंग 22 एप्रिलपासून बेपत्ता आहेत. त्यांनी पोलिसांत तक्रार दाखल केली आहे. अशात त्यांनी पोलिसांना सर्व कागदपत्रेही दिली आहे, जेणेकरून त्यांना गुरुचरणला शोधण्यात मदत होईल. लवकरच गुरुचरणला शोधून काढू, असे आश्वासन पोलिसांनी अभिनेत्याच्या कुटुंबीयांना दिले आहे.’
पोलिसांना सीसीटीव्ही फुटेज मिळाले असून त्यात अपहरणाचे प्रकरण समोर आले आहे. गुरुचरण सिंग 22 एप्रिल रोजी सकाळी मुंबईला रवाना झाल्याचे पोलिसांच्या प्राथमिक तपासात समोर आले आहे. दिल्ली विमानतळावरून त्यांचे साडेआठ वाजता फ्लाइट होते, मात्र त्यांनी फ्लाइट घेतली नाही आणि मुंबईला पोहोचले नाही.
25 एप्रिल रोजी दुपारी 3 वाजता अभिनेत्याच्या वडिलांनी दिल्लीतील पालम पोलिस स्टेशनमध्ये बेपत्ता झाल्याची तक्रार दाखल केली. यानंतर पोलिसांना एक सीसीटीव्ही फुटेज मिळाले, ज्यामध्ये गुरुचरण सिंग तेथून जाताना दिसत आहेत. अभिनेत्याचा फोनही २४ एप्रिलपर्यंत कार्यरत होता, मात्र आता तो बंद असल्याचे सांगण्यात येत आहे. पोलिसांनी फोनचे व्यवहार बाहेर काढले तेव्हा त्यांना अनेक विचित्र गोष्टी आढळून आल्या.