बेल्हे :-आपण बहुदा आपण पाण्यात मासे पाहतो पण सोमवारी (दि. 27) रात्री अकाराच्या सुमारास कल्याण – नगर महामार्गावर आळे (ता.जुन्नर) गावानजीक एक वेगळं चित्र पहायला मिळालं. रस्त्यावर अक्षरांश मासे तरंगत असल्याने नागरिकांसह प्रवाश्यांची एकच गर्दी झाली होती.
Pune : अन्… कल्याण-नगर महामार्गावर तरंगू लागले मासे; बघ्यांची मोठी गर्दी….
सविस्तर बातमी…https://t.co/Hf2Xpmir6d
👇👇👇
काय घडलं नेमकं?..पहा Video pic.twitter.com/MJbqC06K31— Digital Prabhat (@Dainik_Prabhat) February 28, 2023
सविस्तर माहिती अशी की, शिरूर येथील तलावातून मासे भरुन टेम्पो मध्यप्रदेशकडे नगर-कल्याण महामार्गाने जात असताना आळे कॉलेज समोरील गतीरोधाकाचा अंदाज न आल्याने माशांनी भरलेले थर्माकॉलच्या खोक्यांमध्ये असलेले मासे खाली रस्त्यावर पसरले. हे सर्व मासे प्रतिबंधित मांगूर प्रजातीचे असल्याने प्रत्यक्षदर्शीनी सांगितले.
रस्यावर माशांचा खच झाल्याने नागरिकांसह प्रवाश्यांची एकच गर्दी झाली होती. माशांसोबत थर्माकॉलच्या खोक्यांमधील पाणीही रस्त्यावर साचल्याने मासे त्यात तरंगत होते. हे मासे पकडण्यासाठी लोकांनी मोठी झुंबड उडाली मात्र मासे हे प्रतिबंधित मांगूर प्रजातीचे असल्याने खाण्यासाठी योग्य नसल्याचे लक्षात येताच पुन्हा मासे महामार्गावर टाकून देण्यात आले.
या अपघातामुळे आळेफाट्याकडे जाणारी वाहतूक काही वेळासाठी प्रभावित झाली होती. याचा व्हिडिओ सध्या सोशल मीडियावर व्हायरल झाला.
सोशल मीडियावर व्हायरल झालेल्या एका व्हिडीओत अनेक जण रस्त्यावर पडलेले मासे उचलताना दिसत आहेत. रात्री उशिरा रस्त्यावरील मासे गाडीत भरून वाहन निघून गेले.