हवामान कोणतेही असो, भारतीय सुरक्षा दलांचा उत्साह नेहमीच उंचावलेला असतो. प्रतिकूल परिस्थितीतही देशाचे रक्षण करणे हेच त्यांचे एकमेव ध्येय आहे.या दरम्यान, बर्फाळ प्रदेशातून सीमा सुरक्षा दलाच्या (बीएसएफ) जवानाचा एक व्हिडिओ समोर आला आहे. ज्याने लोकांना आश्चर्याचा धक्का बसला आहे. जवानाचा हा व्हिडिओ सध्या सोशल मीडियावर मोठ्या प्रमाणात व्हायरल होत आहे.
वास्तविक, जवानाचा हा व्हिडिओ बीएसएफने आपल्या अधिकृत ट्विटर हँडलवरून शेअर केला आहे. व्हिडिओमध्ये बीएसएफ जवान कडाक्याच्या थंडीत बर्फाळ भागात कसरत करताना दिसत आहे. कठीण परिस्थितीतही जवानाची चपळता आणि स्फुर्ती पाहून सर्वांनाच आश्चर्य वाटले आहे.
40 सेकंदात 47 पुश अप
व्हिडिओमध्ये, गोठवणाऱ्या थंडीत बीएसएफचा जवान बर्फाच्छादित भागात पुश अप करताना दिसत आहे. हा जवान अवघ्या 40 सेकंदात 47 पुश अप मारताना दिसून आला आहे. यावरून तुम्हाला सैनिकांच्या फिटनेस लेव्हलची कल्पना येऊ शकते.
बीएसएफने या व्हिडिओच्या कॅप्शनमध्ये लिहिले – 40 सेकंद 47 पुश अप्स! Fit India Challenge. ही व्हिडिओ क्लिप 31 हजारांहून अधिक वेळा पाहिली गेली आहे. कडाक्याच्या थंडीत जवानाने ज्या वेगाने पुश-अप केले त्याचे लोक कौतुक करत आहेत.
बीएसएफने याआधी आणखी एका जवानाचा व्हिडिओ शेअर केला होता, ज्यामध्ये तो बर्फाळ भागात एका हाताने पुश-अप करताना दिसत आहे. त्याने हातात ग्लोव्हजही घातले नव्हते. या व्हिडिओवर शेकडो लोकांनी प्रतिक्रिया दिल्या आहेत.