मुंबई – देशात भजनसम्राट म्हणून ओळखले जाणारे अनुप जलोटा आपल्या भजनाने आपल्या चाहत्यांना भक्तीमध्ये गुंतवून ठेवतात, मात्र काहीवेळा ते आपल्या वक्तव्यांमुळे चर्चेत राहतात. अलीकडेच, अनुप जलोटा यांचा एक व्हिडिओ व्हायरल होत आहे ज्यामध्ये ते भारताला हिंदी राष्ट्र म्हणून घोषित करण्याची मागणी करत आहे. या व्हिडिओवर आता युजर्सने आपली मते मांडण्यास सुरुवात केली आहे.
अनुप जलोटा गाडीत बसून कुठेतरी जात आहेत आणि चाहत्यांशी संवाद साधताना ते फाळणीबद्दल बोलत आहेत. अनुप जलोटा म्हणाले- ‘मित्रांनो, मला सांगायचे आहे की जेव्हा भारत आणि पाकिस्तान वेगळे झाले तेव्हा पाकिस्तानला इस्लामिक देश घोषित करण्यात आले होते. कारण मुस्लिमांची संख्या जास्त होती. भारतात हिंदूंची संख्या जास्त असेल तर ते हिंदू राष्ट्र घोषित करावे. अजून झाले नसेल तर आता झाले पाहिजे. कारण या पृथ्वीतलावर एकही हिंदू राष्ट्र नाही. पूर्वी नेपाळ होता पण आता तोही राखला जात नाही. आपण त्याला हिंदू राष्ट्र म्हणू शकत नाही.’
अनुप पुढे म्हणाले,’भारत असावा कारण इथे खूप हिंदू आहेत आणि आता त्याची लाट आणखी तीव्र झाली आहे. लोक सामील होत आहेत. त्यामुळे कोणाला काही फरक पडणार नाही. फक्त एक घोषणा करायची आहे. काश्मीरमध्ये झालेल्या बदलांमुळे कोणाला काय फरक पडला. फक्त शांतता वाढली आहे. लोक आता अशाच शांततेत राहत आहेत. पूर्वीपेक्षा आता दहशतवादी हल्ले कमी झाले आहेत. म्हणजे बघितले तर सर्व काही चांगल्यासाठीच घडत आहे. हे काम लवकर व्हावे. मला माझे मत द्यायचे होते, जे मी केले. आता ते सक्रिय करण्यासाठी चर्चा व्हायला हवी.’
