नोरा फतेहीने आपल्या उत्कृष्ट नृत्यामुळे बॉलीवूडमध्ये स्वतःची स्वतंत्र ओळख निर्माण केली आहे. नोरा फतेहीच्या डान्स मूव्हची असंख्य चाहतेही कॉपी करताना दिसतात.
नोरा सोशल मीडियावरही खूप ऍक्टिव असते आणि ती सतत आपले सुंदर आणि हॉट फोटो शेअर करत असल्याने चर्चेत असते. पण आता नोरा फतेही तिच्या लग्नामुळे चर्चेत आली आहे. नोरा फतेहीनेही आपला जीवनसाठी निवडला असून तिने आपल्या लग्नाची पूर्णपणे तयारीदेखील केली आहे.
नोराने तिच्या इन्स्टाग्राम एक पोस्ट शेअर करत ती लवकरच लग्न करणार असल्याची माहिती दिली आहे. नोरा फतेहीला लग्नाचा प्रस्ताव आल्यानंतर ती स्वत:ला रोखू शकली नाही. तिने आपल्या एका चिमुकल्या चाहत्याच्या इन्स्टाग्रामवर व्हीडिओ शेअर केला. त्यानंतर इन्स्टाग्राम स्टोरीवर नोराने तिच्या छोट्या चाहत्याचा प्रस्तावाविषयी सांगितले.
तिचा छोटा चाहता म्हणतो की, “दिलबर दिलबर गर्ल’बरोबर मला लग्न करायचे आहे आणि तिला आपली पत्नी बनवायची आहे.’ या छोट्या चाहत्याच्या कमेंटवर असंख्य प्रतिक्रिया येत आहेत. यावर नोरा उत्तर देत म्हणाली, “आता पुरे झाले, मला माझा जीवनसाथी सापडला आहे. आम्ही लग्न करत आहोत.’ दरम्यान, नोरा फतेही सर्वप्रथम “बिग बॉस’ या रिऍलिटी शोमध्ये झळकली होती. यानंतर तिने बॉलीवूडमध्ये अनेक हिट गाणी दिली आहेत.