India vs Afghanistan – अफगाणिस्तानने शनिवारी भारताविरुद्ध ११ जानेवारीपासून सुरू होणाऱ्या तीन सामन्यांच्या टी-२० मालिकेसाठी १९ सदस्यीय संघाची घोषणा केली. नियमित टी-२० कर्णधार राशिद खान संघात नक्कीच आहे,
पण पाठीच्या दुखापतीतून तो अद्याप पूर्णपणे सावरलेला नाही. अशा स्थितीत इब्राहिम झद्रानकडे कर्णधारपद सोपवण्यात आले आहे तर रहमानउल्ला गुरबाजला उपकर्णधारपद देण्यात आले आहे.
फिरकीपटू मुजीब-उर-रहमानला देखील भारतीय दौऱ्यात संघात सामील करण्यात आले आहे. नुकत्याच झालेल्या यूएई विरुद्धच्या तीन सामन्यांच्या टी-२० मालिकेत मुजीबही सहभागी नव्हता.
यूएई विरुद्धच्या राखीव संघाचा भाग असलेल्या इकराम अलीखिलला बॅकअप यष्टिरक्षक फलंदाज म्हणून मुख्य संघात बढती देण्यात आली आहे.
एसीबीचे अध्यक्ष मिरवाईस अश्रफ म्हणाले, तीन सामन्यांच्या मालिकेसाठी आमच्या पहिल्या दौऱ्यावर आम्हाला आनंद होत आहे. भारत हा जगातील अव्वल क्रमांकाचा संघ आहे आणि अफगाणिस्तानला त्यांच्याविरुद्ध तीन सामन्यांच्या टी-२० आंतरराष्ट्रीय मालिकेत खेळताना पाहणे खूप आनंददायी ठरेल.
आमचा असा विश्वास आहे की अफगाण संघ आता कमकुवत नाही आणि अलीकडच्या काळात त्यांनी चांगली कामगिरी केली आहे आणि आम्ही भारताविरुद्धच्या अत्यंत स्पर्धात्मक मालिकेसाठी उत्सुक आहोत.
अफगाणिस्तान संघ : इब्राहिम झदरन (कर्णधार), रहमानउल्ला गुरबाज (यष्टीरक्षक), इक्रम अलीखिल (यष्टीरक्षक), हजरतुल्ला झाझाई, रहमत शाह, नजीबुल्ला झदरन, मोहम्मद नबी, करीम जनात, अजमतुल्ला उमरझाई, शराफुद्दीन अश्रफ, मुजीब-उर-रेहमान फजलहक फारुकी, फरीद अहमद, नवीन-उल-हक, नूर अहमद, मोहम्मद सलीम, कैस अहमद, गुलबदीन नायब आणि रशीद खान.
