औरंगाबाद – मुख्यमंत्री उद्धव ठाकरे यांच्या कार्यपद्धतीविषयी तुमचे मत काहीही असो; मात्र हा माणूस एक सर्वसामान्यांमधल्या कार्यकर्त्यासारखा अव्याहत काम करताना दिसतो. साधारण एक वर्षांपूर्वी, स्वप्नातही न पाहिलेले प्रत्यक्षात घडून आले आणि शिवसेना पक्षप्रमुख राज्याचे मुख्यमंत्री झाले. मुख्यमंत्री झाल्यानंतर विधीमंडळ आणि प्रशासकीय कामाची माहिती करुन घेत असतानाच करोनाचा प्रादुर्भाव झाला आणि सर्वांप्रमाणेच त्यांनीही घरातून राज्यशकट हाकला.
अचानकपणे मिळालेल्या राज्याच्या प्रमुखपदाने अजिबात हुरळून न जाता संयमीपणे त्यांनी आपली जबाबदारी आजवर सांभाळली आहेच. शिवाय राज्याचा प्रमुख म्हणून वाट्याला येणारा डामडौल, डेकोरम बाजूला ठेवत अनेकदा त्यांनी आपल्यातल्या मोठेपणाचा प्रत्यय दिला आहे. याचे ताजे उदाहरण औरंगाबादमध्ये शनिवारी दिसून आले.
येथे शहर पाणीपुरवठा योजनेच्या शुभारंभाच्या कार्यक्रमात उद्धव ठाकरे व्यासपीठावर पोहोछले, तेव्हा त्यांनी पाहिले की, त्यांच्यासाठी एका आलीशान, सिंहासनासारख्या खुर्चीची व्यवस्था संयोजकांनी केली होती. मात्र, व्यासपीठावरील अन्य सदस्यांना साध्या खुर्च्या देण्यात आल्या होत्याअ. अशी असमानता पाहताच मुख्यमंत्र्यांनी सिंहासनासारख्या खुर्चीवर बसायल नकार दिला. तत्काळ ती आलीशान खुर्ची हटवायला त्यांनी सांगितले. तसेच अन्य सदस्यांनाअ जशा खुर्च्या देण्यात आल्या होत्या, तशीच खुर्ची मागवून मुख्यमंत्री त्यावर स्थानापन्न झाले. मगच हा कार्यक्रम पुढे सुरु झाला.
Today when @CMOMaharashtra arrived on stage in Sambhaji Nagar and he saw a separate and giant chair was kept for him which was unequal to other people on the stage, he immediately refused to sit and ask organiser to bring the same chair as everyone. Good gesture by the CM!!! pic.twitter.com/j4bBM9Rlfk
— Shivangi Thakur (@thakur_shivangi) December 12, 2020
मुख्यमंत्र्यांच्या या कृतीने उपस्थितांसह अनेक जण भारावून गेले आणि समता, समानतेचा पुरस्कार करणारी मुख्यमंत्र्यांची ही कृती समाजमाध्यमांतूनही व्हायरल झाली. अनेकांनी या घटनेचा व्हिडीओ ट्वीटरसह फेसबुक व इन्स्टाग्रामवर शेअर केला आहे.