पिंपरी – जावई काहीही कामधंदा करीत नाही, तसेच दारूचे व्यसन आहे, म्हणून सासरे आणि त्यांचे दोन भाऊ जावयाला समजविण्यासाठी गेले. त्यावेळी संतप्त झालेल्या जावयाने थेट सासऱ्यावरच कोयत्याने वार केले. ही घटना रविवारी (दि. 9)रात्री सव्वा अकरा वाजता रुपीनगर येथे घडली.
पाशा इस्माईल शेख (वय 57, रा. रुपीनगर, तळवडे) असे जखमी सासऱ्याचे नाव असून, त्यांनी याप्रकरणी सोमवारी (दि. 10) चिखली पोलीस ठाण्यात फिर्याद दिली आहे. अस्लम उस्मान शेख (वय 35, रा. रुपीनगर) असे आरोपी जावयाचे नाव आहे. आरोपी अस्लमला दारू पिण्याचे व्यसन आहे. दारू पिऊन पत्नीला त्रास देतो. त्यामुळे फिर्यादी व त्यांचे दोन भाऊ आरोपीला समजाविण्यासाठी त्याच्या घरी गेले. ते परत जात असताना आरोपीने त्यांच्यावर कोयत्याने हल्ला केला.