जुन्या पुणे-मुंबई महामार्गावर कार्ल्याजवळ अपघात

लोणावळा : जुन्या पुणे-मुंबई महामार्गावर कार्ल्याजवळ उलटलेला कंटेनर.
  • कंटेनर चालकाचा मृत्यू; क्‍लिनर जखमी

लोणावळा – पुणे-मुंबई जुना महामार्गावर (क्र. 4) कंटेनर उलटून चालकाचा मृत्यू झाला. तर एक जण जखमी झाला. कार्ल्याफाट्याजवळ सूरज ढाब्यासमोर मंगळवारी (दि. 15) रात्री दहा ते साडेदहाच्या सुमारास ही घटना घडली.
विनोद आगळे (रा. जळगाव) असे अपघातात मृत्युमुखी पडलेल्या कंटेनर चालकाचे नाव आहे. तर क्‍लिनर विकास दत्तात्रय माने हा जखमी झाला आहे. त्याच्यावर खासगी रुग्णालयात उपचार सुरू आहेत.

पोलिसांनी दिलेल्या माहितीनुसार, पुण्याकडून मुंबईच्या दिशेने कंटेनर (एम. एच. 06 ए.क्‍यु. 6010) जात होता. रात्रीची वेळ असल्याने कंटेनरचा वेग अधिक होता. सूरज ढाब्यासमोर आल्यानंतर चालकाचे नियंत्रण सुटले आणि कंटेनर उलटला. अपघातात कंटेनरचा चालक विनोद आगळे (रा. जळगाव) जागीच ठार झाला. क्‍लिनर विकास दत्तात्रय माने हा जखमी झाला. माने याला उपचारासाठी नजीकच्या खासगी रुग्णालयात दाखल करण्यात आले.

विवाह समारंभासाठी प्रसिद्ध असलेले हॉटेल ट्रेझर हे घटनास्थळापासून जवळच आहे. मात्र सुदैवाने रात्री विवाह नसल्याने तेथे त्याठिकाणी कोणीही रस्त्यालगत उभे नसल्याने मोठा अनर्थ टळला. लोणावळा ग्रामीण पोलीस ठाण्याचे हवालदार राम हरी भोसले तपास करीत आहेत.

 


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)