कोल्हापूर : मराठी नववर्षाच्या पूर्वसंध्येला व गुढीपाडव्याच्या निमित्ताने कोल्हापूर जिल्ह्यातील खानापूर तालुक्यातील तळेमाऊली मंदिर परिसरात पाडवा महोत्सवाचे आयोजन करण्यात आले आहे. यानिमित्त कीर्तन कार्यक्रमाचे देखील आयोजन करण्यात आले होते.
या वेळी वारकरी बांधव टाळ मृदंगाच्या तालावर हरिनामात तल्लीन झाले होते. या कार्यक्रमात भाजपा प्रदेशाध्यक्ष चंद्रकांत पाटील यांनीही सहभागी होऊन हरिनामाचा जयघोष केला तसेच यावेळी त्यांनी वारकऱ्यांसोबत फुगडी खेळण्याचा आनंद देखील लुटला.