मुंबई – बिग बॉस हिंदीचा यंदाचा सोळावा सीजन आहे. बिग बॉसची ट्रॉफी पटकावण्यासाठी सर्व स्पर्धकांमध्ये चढा ओढ सुरु आहे. यामध्ये मराठमोळा शिव ठाकरे देखील आपले कर्तब दाखवत आहे. ठाकरे यावेळी बाजी मारणार अशी आशा प्रेक्षकांना लागलेली असताना अमरावतीच्या खासदार नवनीत राणा यांनी शिव ठाकरेसाठी एक खास पोस्ट केली आहे.
टास्कविषयी असो, घरात होणार्या राड्यांविषयी असो वा सदस्यांच्या दिवसागणिक बदलणार्या नात्यांविषयीची असो. मराठमोळा शिव ठाकरे या यादीत नंबर वन आहे. दिवसेंदिवस शिव ठाकरेचा खेळ आणखी जबरदस्त होत चालला आहे. म्हणून नवनीत रानांनी देखील ठाकरेसाठी एक पोस्ट करत त्याला जिंकवण्यासाठी वोट करण्याचे आवाहन केला आहे.
“नमस्कार, कलर्स वाहिनीवरील बिग बॉस हिंदीच्या सोळाव्या पर्वात आपल्या अमरावतीची शान शिव ठाकरे सहभागी झाला आहे. शिव पहिल्या दिवसापासून शेवटपर्यंत फार प्रामाणिकपणे त्याचा खेळ खेळत आहे.त्यामुळे मी एक लोकप्रतिनिधी आणि अमरावतीची नागरिक असल्याच्या नात्याने मी तुम्हाला सर्वांना विनंती करते की, यंदा एक मध्यमवर्गीय कुटुंबातून आलेल्या शिव ठाकरेला आपण पाठिंबा देऊ या. त्याबरोबरच त्याला भरघोस मत देऊन बिग बॉसचा विजेता ठरवू या” असे आवाहन नवनीत राणांनी एका व्हिडीओ पोस्टद्वारे केले आहे.
Vote for Shiv Thakare pic.twitter.com/2cj3mluUzo
— Navnit Ravi Rana (@navneetravirana) February 5, 2023
येत्या 12 फेब्रुवारी रोजी ‘बिग बॉस 16’चा महाअंतिम सोहळा पार पडणार आहे. अशात नवनीत राणा यांनीं शिव ठाकरेसाठी केलेली ही पोस्ट चर्चेचा विषय ठरत आहे. यापूर्वी आमदार बच्चू कडू यांनी देखील शिवसाठी अशीच एक पोस्ट केली होती. बिग बॉसचा विनर नेमका कोण होणार हे थोड्याच दिवसात स्पष्ट होईल.