मुंबई – अभिनेत्री शिल्पा शेट्टी (Shilpa Shetty) दरवर्षी मोठ्या धुमधडाक्यात घरी गणपती बाप्पाचे आगमन करते. यंदाही तिच्या घरी बाप्पाचे आगमन झाले आहे. यावेळी ती पती राज कुंद्रासोबत गणेशगल्ली येथील गणेश मूर्ती तयार करण्याच्या कार्यशाळेत गेली होती. यावेळी तिला पाहण्यासाठी चाहत्यांची मोठी गर्दी जमली होती. गणेशाची मूर्ती खरेदी करण्यासाठी गेल्याचा शिल्पाचा व्हिडीओ सोशल मीडियावर (Social Media) तुफान व्हायरल होत आहे. मात्र हा व्हिडिओ पाहिल्यानंतर राज कुंद्राला (Raj Kundra) ट्रोल केले जात आहे.
व्हायरल व्हिडिओत शिल्पा आणि पती राज कुंद्रा गाडीतून खाली उतरताना दिसतात. यावेळी शिल्पा ‘गणपती बाप्पा मोरया’ म्हणत बाप्पाचे आनंदात स्वागत करते. शिल्पाने यावेळी हिरव्या रंगाचा ड्रेस आणि त्यावर प्रिंटेड ओढणी असा लूक केला होता. शिल्पा शेट्टी या साध्या लूकमध्येही खूपच सुंदर दिसत होती. यावेळी शिल्पा शेट्टी हात जोडून बाप्पाचे स्वागत करताना दिसली. मात्र गणपती बाप्पाला आणण्यासाठी आलेल्या राजने यावेळी नेहमीप्रमाणे आपला चेहरा कॅमेऱ्यापासून लपवला होता.
View this post on Instagram
राज कुंद्राने यावेळी हुडी परिधान केली होती. त्याने डोक्यावर हुडीची कॅप घेतली होती आणि चेहऱ्याला मास्क लावला होता. अशा पद्धतीने त्याने त्याचा चेहरा पूर्णपणे झाकला होता. यावरून राज कुंद्राला चांगलेच ट्रोल करत आहेत. ‘चेहरा का लपवला आहे? ‘चेहरा तर दाखव,’ असे म्हणत त्याला ट्रोल केले आहे. दरम्यान, पॉर्नोग्राफी प्रकरणानंतर राज कुंद्रा मीडियापासून आपला चेहरा लपवत आहे. नेहमीच वेगवेगळ्या स्टाईलचे फेसमास्क लावताना दिसतो. त्यानंतर गणपतीचे स्वागत देखील त्याने याच पद्धतीने केल्याचे पाहायला मिळाले. यापूर्वीही त्याला या लुकमुळे अनेकदा ट्रोल करण्यात आले आहे.
