“परदेशी लशींसंदर्भात राहुल गांधींनी आधीच सल्ला दिला होता; तेव्हा टीका केली अन् आता….”

नवी दिल्ली – करोना लसची उपलब्धता वाढविण्यासाठी आणि लसीकरणाला वेग देण्यासाठी केंद्र सरकारने पुढाकार घेतला आहे. इतर देशांमध्ये आपत्कालीन वापरासाठी अधिकृत परदेशी निर्मित कोविड -19 लस भारतात आयात करण्यास मंजुरी देण्यात आली आहे. त्यामुळे देशातील लसीबरोबरच आता परदेशी लसच्या माध्यमातून लसीकरण करण्यात येणार आहे. या निर्णयानंतर काँग्रेसने भाजपवर निशाणा साधला आहे.

“सरकारनं विरोधी पक्षांच्या सूचना टीका आहेत असं समजून नाकारू नये ही समृद्ध लोकशाहीची परंपरा आहे. आमचे नेते राहुल गांधी यांनी परदेशी फार्मा कंपन्यांच्या लसींना मान्यता देण्याचा सल्ला दिला होता. काही भाजपच्या काही मंत्र्यांनी राहुल यांच्यावर टीका केली. पण चार दिवसांनी सरकारने राहुल गांधींचाच सल्ला मानला,” असं म्हणत संजय निरुपम यांनी सरकारवर निशाणा साधला. निरुपम यांनी ट्विटरच्या माध्यमातून सरकारवर टीका केली.


केंद्रीय आरोग्य मंत्रालयाने मंगळवारी म्हटले की, परदेशी निर्मित लसींच्या पहिल्या 100 लाभार्थ्यांच्या आरोग्यावर सात दिवस नजर ठेवली जाईल, त्यानंतर या लसींचा वापर देशात लसीकरण करण्यासाठी केला जाईल.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

You might also like

Leave A Reply

Your email address will not be published.