Indian Premier League Auction 2024 : हर्षल पटेल आयपीएल 2024 च्या हंगामात पंजाब किंग्जच्या जर्सीत दिसणार आहे. पंजाब किंग्जने 11.75 कोटी रुपये खर्च करून हर्षल पटेलचा संघात समावेश केला. तर हर्षल पटेलची मूळ किंमत २ कोटी रुपये होती. पंजाब किंग्जशिवाय गुजरात टायटन्स आणि लखनऊ सुपर जायंट्सने हर्षल पटेलसाठी बोली लावली, पण शेवटची बोली पंजाब किंग्जने जिंकली.
Kar 𝐇𝐚𝐫 Maidaan Fateh! ❤️
All Hail King Patel! 👑#IPL2024Auction #SaddaPunjab #PunjabKings #JazbaHaiPunjabi pic.twitter.com/94ospJ0Gfw
— Punjab Kings (@PunjabKingsIPL) December 19, 2023
याआधी हर्षल पटेल रॉयल चॅलेंजर्स बंगळुरूचा भाग होता, मात्र अलीकडेच रॉयल चॅलेंजर्स बंगळुरूने हर्षल पटेलला सोडले आहे. आयपीएल लिलाव 2023 मध्ये, रॉयल चॅलेंजर्स बंगलोरने हर्षल पटेलला 10.75 कोटी रुपयांना विकत घेतले. रॉयल चॅलेंजर्स बंगलोर व्यतिरिक्त, हर्षल पटेल आयपीएलमध्ये दिल्ली कॅपिटल्स आणि मुंबई इंडियन्सचा भाग राहिला आहे. पण आता तो पंजाब किंग्जच्या जर्सीत दिसणार आहे.
या लिलावात गुजरात टायटन्सने हर्षल पटेलसाठी पहिली बोली लावली. हर्षल पटेलची मूळ किंमत 2 कोटी रुपये होती. यानंतर पंजाब किंग्सचा प्रवेश झाला. पंजाब किंग्ज आणि गुजरात टायटन्सने बोली सुरूच ठेवली. जेव्हा हर्षल पटेलची किंमत 11 कोटी रुपयांवर पोहोचली तेव्हा लखनौ सुपर जायंट्सने प्रवेश केला, परंतु या संघाने लवकरच स्वतःला बाजूला केले. अशाप्रकारे पंजाब किंग्जने हर्षल पटेलसाठी शेवटची बोली लावली. पंजाब किंग्सने हर्षल पटेलला 11.75 कोटी रुपयांमध्ये करारबद्ध केले.
हर्षल पटेलची आयपीएल कारकीर्द …
हर्षल पटेलने आतापर्यंत आयपीएलमध्ये 92 सामने खेळले आहेत. त्याच्या आयपीएल कारकिर्दीत त्याने 111 विकेट्स घेतल्या आहेत. आयपीएल सामन्यांमध्ये हर्षल पटेलची इकॉनमी 8.59 आहे तर सरासरी 24.07 आहे. हर्षल पटेलने आपल्या आयपीएल कारकिर्दीत एकदाच एका सामन्यात 5 बळी घेण्याचा पराक्रम केला आहे. त्याचवेळी, हर्षल पटेलची सर्वोत्तम गोलंदाजी म्हणजे पुन्हा 27 धावांत 5 बळी.