“एवढं खोटं तर टेलिप्रॉम्टरलाही सहन झालं नाही,”; टेलिप्रॉम्टर बंद पडल्यानंतर राहुल गांधींचा मोदींना टोला

नवी दिल्ली :  पंतप्रधान नरेंद्र मोदी सध्या वर्ल्ड इकॉनॉमिक फोरमच्या भाषणामुळे चांगलेच  चर्चेत आले आहेत. मात्र ही चर्चा सकारात्मक कारणासाठी नसून या भाषणादरम्यान टेलिप्रॉम्टर बंद पडल्याने पंतप्रधानांच्या उडालेल्या गोंधळामुळे आहे. या प्रकरणावरुन विरोधकांनी पंतप्रधानांवर टीका करण्यास सुरुवात केलेली असताना काँग्रेसचे नेते आणि खासदार राहुल गांधी यांनीही पंतप्रधान मोदींवर निशाणा साधला आहे.

भारतीयांनी करोनाविरुद्ध लढा कसा दिला यासंदर्भात बोलताना भारतीयांची इच्छाशक्ती चांगली आहे, असे मोदी म्हणाले. मात्र त्यानंतर टेलिप्रॉम्टरमध्ये काहीतरी तांत्रिक अडचण आली आणि तो बंद झाला. यानंतर पंतप्रधान मोदी भाषण देता देता थांबले.

Jokes apart, but the person holding topmost chair in the country, couldn’t even utter a single word as soon as the #Teleprompter went off. This is when oratory skills were considered his biggest forte.

Goes on to show how the whole country was fooled.#TeleprompterPM pic.twitter.com/CUvHeUaQUN

— Mayank Saxena (@mayank_sxn) January 17, 2022

ते गोंधळून आणि थोड्या संतापलेल्या हावभावासहीत स्क्रीनच्या उजवीकडे पाहू लागले. नंतर त्यांनी निराश होऊन हात वर करत अखेर कानात हेडफोन लावत आपल्या भाषणामध्ये झालेल्या गोंधळानंतर समोरच्यांना ऐकू येतंय का हे विचारु लागले.

या साऱ्या प्रकारामध्ये पंतप्रधान मोदी चांगलेच गोंधळलेले दिसले. टेलिप्रॉम्टर बंद झाल्यानंतर पंतप्रधानांना न अडखळता एक वाक्यही बोलता आलं नसल्याची टीका सोशल मीडियावरुन होऊ लागलीय.

इतना झूठ Teleprompter भी नहीं झेल पाया।

— Rahul Gandhi (@RahulGandhi) January 18, 2022

राहुल गांधी यांनी ट्विटरवरुन यासंदर्भात अगदी मोजक्या शब्दांमध्ये प्रतिक्रिया दिलीय. “एवढं खोटं तर टेलिप्रॉम्टरलाही सहन झालं नाही,” असे ट्विट राहुल गांधींनी केले आहे.

हमें तो टेलीप्रॉम्प्टर ने लूटा, अपनों में कहां दम था।#TeleprompterPM

— Congress (@INCIndia) January 17, 2022

दरम्यान यापूर्वीच काँग्रेसच्या अधिकृत ट्विटर हॅण्डलवरुनही ‘हमें तो टेलीप्रॉम्प्टर ने लूटा, अपनों में कहां दम था।’, म्हणत मोदींवर निशाणा साधलाय. काँग्रेसने हे ट्विट करताना #TeleprompterPM हा हॅशटॅग वापरला आहे.

हा व्हिडीओ व्हायरल झाल्यानंतर सोशल मीडियावर या प्रकरणानंतर मिम्सची लाट आल्याचे  पहायला मिळत आहे. सोशल मीडियावर सोमवार रात्रीपासूनच या प्रकरणाशीसंबंधित #TeleprompterPM #Teleprompter #TeleprompterFail #TeleprompterJeevi हे हॅशटॅग ट्रेण्डींगमध्ये असल्याचे चित्र दिसत आहे.