पिंपरी, (प्रतिनिधी) – येथील संत साई इंग्लिश मीडियम शाळेतील प्लॅस्टिक संकलन उपक्रम राबविण्यात आला. या उपक्रमात विद्यार्थ्यांनी सहभाग घेत प्रतिसाद दिला. त्यांनी प्लॅस्टिकच्या कचऱयातून इको ब्रिक्स अर्थात पर्यावरणपूरक वीटा बनविल्या.
शाळेच्या सहशिक्षिका मालन लिंगाडे यांच्या मार्गदर्शनाखाली इयत्ता सहावीत शिकणाऱ्या विद्यार्थ्यांसाठी हा उपक्रम घेण्यात आला. दररोज घरी येणाऱ्या प्लॅस्टिक कचरा प्लास्टिकच्या बाटलीत भरून जमा केल्या.
जमा झालेल्या प्लॅस्टिकच्या कचऱयापासून इको ब्रिक्स अर्थात पर्यावरणपूरक वीटा बनविण्यात आल्या. महापालिकेचे उपआयुक्त राजेश आगळे यांच्या उपस्थितीत महापालिकेच्या भोसरी विभागातील आरोग्य विभाग टीमकडे त्याचे हस्तांतरण करण्यात आल्या. या पर्यावरणपूक वीटा ‘बेस्ट फ्रॉम वेस्ट’ उपक्रमासाठी केला जाणार वापर.
या वेळी प्रसंगी कचरा वर्गीकरणावर पथनाट्य सादर करण्यात आले. ईसीए सदस्य शिकंदर घोडके यांनी वाढत्या प्रदूषणामुळे मानवी जीवनावर तसेच इतर सजीव सृष्टीवर होणाऱ्या दुष्परिणामाविषयी मार्गदर्शन केले.
उपआयुक्त राजेश आगळे यांनी महानगरपालिकेच्या मोशी कचरा डेपो येथे राबवण्यात येणाऱ्या विविध उपक्रमांविषयी माहिती दिली. शाळेचे संस्थापक व मुख्याध्यापक शिवलिंग ढवळेश्वर यांनी आपल्या भावना व्यक्त करताना राजकीय इच्छाशक्ती आणि कायद्याची कडक बजावणी झाली तरच आपण प्रदूषणावर थोड्याफार प्रमाणात मात करू शकू. शाळेकडून याही पुढे असे उपक्रम राबवले जातील, असे सांगितले.
