कोरोना व्हॅक्सिनच्या डोसमध्ये गॅप संदर्भात अमेरिकेचे महामारी एक्सपर्ट डॉ. एन्थनी फौची यांनी चेतावणी दिली आहे. व्हॅक्सिनच्या दोन डोसमधील काळ वाढवल्याने लोकांमध्ये इन्फेक्शनचा धोका वाढू शकतो. ब्रिटनमध्ये असे आढळून आले आहे. डॉ. फौची यांनी एका मुलाखतीमध्ये हे सांगितले.
भारतासंदर्भात फौचि यांचे दावा यासाठी महत्त्वाचा आहे कारण, सरकारने मागील महिन्यातच कोविशील्डच्या दोन डोसमधील गॅप वाढवून 12-16 आठवडे केला आहे. यापूर्वी हा गॅप 6 ते 8 आठवडे होता. यापूर्वी मार्च महिन्यातही हा गॅप 28 दिवसांवरून 6 ते 8 आठवडे करण्यात आला होता. सरकारचे म्हणणे आहे की, दोन डोसमधील गॅप वाढवल्याने व्हॅक्सिनचा प्रभाव वाढेल.
परंतु फौची यांच्यानुसार, व्हॅक्सिन डोसमध्ये गॅप वाढवण्यापेक्षा शेड्युलनुसार आपण चालावे. यासोबतच ते असेही म्हणाले की, व्हॅक्सिनचा पुरवठा कमी असल्यास गॅप वाढवणे आवश्यक होते.
कोरोनाचा जास्त संक्रामक व्हेरियंट डेल्टा विषयी फौची म्हणाले की, या व्हायरसला नष्ट करण्यासाठी लोकांना लवकारातल्या लवकर व्हॅक्सिन देणे आवश्यक आहे. डेल्टा व्हेरियंट सर्वप्रथम भारतात आढळून आला होता आणि याच व्हेरियंटमुळे भारतात कोरोनाची दुसरी लाट आल्याचे सांगण्यात येते. एक्स्पर्टसनुसार हा व्हेरियंट 40-50% जास्त संक्रामक आहे.