नवी दिल्ली – न्यूयॉर्कहून येणाऱ्या एअर इंडियाच्या विमानात सहप्रवाशी महिलेवर लघवी केल्याचा आरोप असलेल्या शंकर मिश्रा याला दिल्ली पोलिसांनी बेंगळुरू येथून अटक केली. एफआयआर दाखल झाल्यापासून आरोपी फरार होता. दरम्यान, दिल्ली पोलिसांनी म्हटले आहे की, IGIA प्रकरणातील आरोपी शंकर मिश्रा याला आमच्या टीमने बेंगळुरू येथून अटक केली आहे. त्याला दिल्लीत आणण्यात आले आहे. या प्रकरणाचा पुढील तपास सुरू आहे.
शंकर मिश्रा यांनी आदल्या दिवशी वृद्ध महिलेचे काही संदेश शेअर केले होते आणि दावा केला होता की तिने कथित कृत्य माफ केले आहे आणि तक्रार नोंदवण्याचा कोणताही हेतू नाही. मिश्रा यांच्या वकिलाने दावा केला होता की त्यांच्या अशिलाने पीडितेला नुकसानभरपाई म्हणून 15,000 रुपये दिले होते, जे नंतर पीडितेच्या कुटुंबाने परत केले.