मोसंबीचा आंबेबहार हंगाम दोन महिने आधीच संपणार

जास्त झालेल्या पावसाचा परिणाम : गेल्या वर्षीच्या तुलनेत आवक निम्मीच

 

पुणे – जास्त झालेल्या पावसाचा फटका मोसंबीच्या पिकाला बसला आहे. यावर्षी दोन महिने आधीच मोसंबीचा आंबेबहार हंगाम संपणार आहे. गेल्या वर्षीच्या तुलनेत सध्या मोसंबीची आवक कमी होत असून, गेल्या वर्षीच्या तुलनेत सध्या 20 टक्‍के भाव जास्त मिळत आहे. डिसेंबरमध्ये भावामध्ये मोठी वाढ होण्याचा अंदाज व्यापारी सोनू ढमढेरे यांनी वर्तविला.

दरवर्षी आंबेबहार हंगाम ऑगस्टमध्ये सुरू होतो. तो फेब्रुवारीपर्यंत असतो. मात्र, यंदा डिसेंबर अखेरपर्यंत सुरू राहण्याची शक्‍यता आहे.

मागील वर्षी यावेळेस बाजारात दररोज 70 ते 80 टन मोसंबीची आवक होत असते. यावर्षी त्यामध्ये घट होऊन 40 ते 50 टन आवक होत आहे. मराठवाड्यातील औरंगाबाद जिल्ह्यातून ही आवक होत आहे.

घाऊक बाजारात 3 डझनास 150 ते 320 रुपये, तर 4 डझनास 60 ते 130 रुपये भाव मिळत आहे. हा भाव गेल्या वर्षीच्या तुलनेत 20 टक्‍के जास्त असल्याचेही ढमढेरे यांनी नमुद केले.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

Leave A Reply

Your email address will not be published.