मुंबई : राज्यात सध्या इन्फ्लूएंझा व्हायरसची साथ पसरत असल्याचे दिसून येत आहे. या व्हायरसने अनेकांना आपल्या विळख्यात घेतले आहे. त्यातच केंद्रीय मंत्री नारायण राणे यांचे चिरंजीव आणि भाजप खासदार निलेश राणे यांना इन्फ्लूएंझाची लागण झाली आहे. निलेश राणे यांनी स्वतः ट्विट करत याविषयी माहिती दिली आहे.
भाजप खासदार निलेश राणे यांनी त्यांच्या आजाराची माहिती देताना आपल्या ट्विटमध्ये ,”10 तारखेला अचानक ताप भरला आणि हॉस्पिटलमध्ये टेस्ट केल्यानंतर रिपोर्ट मध्ये Influenza Virus डिटेक्ट झाला. हा व्हायरस आणि होणारा त्रास हा फुफ्फुसावर (Lungs) हल्ला करतो. ज्यामुळे श्वास घेताना अडचण निर्माण होते. ताप येण्याअगोदर कसलेही लक्षण नाही, काही क्षणात ताप भरतो. आपण सगळ्यांनी काळजी घ्यावी, खाजगी आयुष्यातलं मी कधीच ट्विट करत नसतो पण आपल्याला सगळ्यांना अगोदर माहिती असावं म्हणून सांगितलं. नेमकं कशामुळे हे इन्फेक्शन झालं हे अद्याप कळू शकलं नाही.”
नमस्कार,
१० तारखेला अचानक ताप भरला आणि हॉस्पिटलमध्ये टेस्ट केल्यानंतर रिपोर्ट मध्ये influenza virus डिटेक्ट झाला. हा व्हायरस आणि होणारा त्रास हा फुफ्फुसावर (lungs) हल्ला करतो ज्यामुळे श्वास घेताना अडचण निर्माण होते. ताप येण्याअगोदर कसलेही लक्षण नाही, काही क्षणात ताप भरतो. आपण…
— Nilesh N Rane (@meNeeleshNRane) September 13, 2023
दरम्यान, लहान मुलांना इन्फ्लूएंझा इन्फ्लूएंझाचा संसर्ग झाल्यास त्यांना तीव्र ताप, पोटदुखी, मळमळ, उलट्या, खोकला, सर्दी, कफ न निघणे किंवा न्यूमोनियाची लक्षणे दिसू लागतात. तर दुसरीकडे इन्फ्लूएंझा विषाणू संसर्ग झाल्यास गर्भवती महिलांमध्ये काहीशी वेगळी लक्षणे दिसतात. गर्भवती महिलांना तीन दिवसांपेक्षा जास्त ताप असल्यास काळजी घ्यावी आणि वेळीच डॉक्टरांचा सल्ला घ्यावा. ब्राँकायटिस, खोकला आणि सर्दी, जास्त कफ, अंगदुखी, डोकेदुखी इन्फ्लूएंझा इन्फ्लूएंझाची ही लक्षणे गर्भवती महिलांमध्ये दिसून येतात.
इन्फ्लूएंझा व्हायरसची लक्षणे
* ताप येणं
* त्वचा उबदार आणि ओलसर होणं
* चेहरा लाल होणंं
* डोळे पाणावणं
* सर्दी, अंगदुखी, कफ नसलेला खोकला, डोकेदुखी होणं
H3N2 इन्फ्लूएंझा हा व्हायरल फ्लू आहे. हे इन्फेक्शन हवेद्वारे किंवा स्पर्शाद्वारे पसरते. संक्रमित व्यक्तीच्या जवळपास उपस्थित असलेल्या किंवा संक्रमित पृष्ठभागाला स्पर्श करणाऱ्या कोणत्याही व्यक्तीला याचा संसर्ग होऊ शकतो. H3N2 विषाणूवरील सध्या कोणतीही लस उपलब्ध नाही पण सावधगिरी बाळगून तुम्ही याच्या संक्रमणापासून वाचू शकता. त्यासाठी हात स्वच्छ धुवा. सॅनिटायझर वापरा, खोकताना किंवा शिंकताना तोंड झाकून ठेवा, शक्यतो गर्दीच्या ठिकाणी जाणं टाळा आणि गेल्यास मास्क वापरा. संक्रमित व्यक्तीपासून दूर राहा, मिठाच्या पाण्याने गुळण्या करा आणि लक्षणे आढळल्यास वेळी डॉक्टरांचा सल्ला घ्या.