मुंबई – शाहरुख खानचा मुलगा आर्यन खान क्रूझ प्रकरणानंतर देखील चांगलाच चर्चेत असतो. कधी तो बॉलिवूड पार्टीमध्ये दिसतो तर कधी सोशल मीडियावर व्हायरल होतो. गेल्या काही दिवसांपासून आर्यन मीडियाला अनेकदा नीटपणे अटेन्शन देताना दिसतो. असाच काहीसा प्रकार मुकेश अंबानींच्या मुलाच्या साखरपुड्यादरम्यान घडला आणि नेटकऱ्यांनी पुन्हा एकदा आर्यन खानला निशाण्यावर घेतलं.
उद्योगपती मुकेश अंबानी यांचा मुलगा अनंत अंबानीने राधिका मर्चंडसोबत साखपुडा केला. या कार्यक्रमासाठी अनेक व्हीआयपी व्यक्तींसह बॉलिवूडमधील कलाकार देखील हजर होते. या कार्यक्रमाचे काही व्हिडीओज सध्या सोशल मीडियावर चांगलेच व्हायरल होताहेत. शाहरुखचा मुलगा आर्यन खान आणि आई गौरी खानने मीडियाला वेळ देत त्यांचे काही फोटोज आणि व्हिडीओ काढण्याची मुभा दिली. यावेळी आर्यन काही काळ आपल्या आईसोबत थांबला. फोटो काढून होताच तो तडक आईला मागे सोडून पुढे निघून गेला. यावरूनच नेटकऱ्यांनी आता आर्यनला ट्रोल केलं आहे.
View this post on Instagram
‘एवढी कसली घाई’ अशी कमेंट करत एका युजरने आर्यनप्रती जणू आपला रोषचा वत्यक्त केला आहे. तर दुसऱ्याने ‘निदान आई सोबत असल्यावर तरी हसत जा’ असा सल्ला आर्यनला दिला आहे. एकूणच आईला मागे सोडून आत्र्यां गेल्याने नेटकऱ्यांना आवडलेलं दिसत नाही. हा व्हिडीओ मात्र सोशल मीडियावर सध्या चर्चेचा विषय ठरत आहे.
