सांगवी फाटा येथील जिल्हा रुग्णालयात आणखी 14 जण करोना बाधित

पिंपरी (प्रतिनिधी) – सांगवी फाटा येथील जिल्हा रुग्णालयात आणखी 14 करोना संशयित रुग्णांचे अहवाल मंगळवारी (दि. 26) पॉझिटिव्ह आले. त्यामध्ये राजगुरूनगर, कुरकुंडी, वडगाव पाटोळे आदी भागातील सर्वाधिक 7 रुग्ण आहेत. त्यामुळे रुग्णालयातील करोना बाधित रुग्णांचा आकडा वाढला असून 106 रुग्णांपर्यंत जाऊन पोहचला आहे.

करोना चाचणीचा अहवाल पॉझिटिव्ह आलेल्या 14 रुग्णांमध्ये 10 वर्षीय मुलासह 7 पुरूष आणि 7 महिला रुग्णांचा समावेश आहे. खेड तालुक्‍यातील राजगुरूनगर – 3, कुरकुंडी – 3, वडगाव पाटोळे – 1 अशा 7 रुग्णांचा करोना बाधितांमध्ये समावेश आहे. त्याशिवाय, पुण्यातील भवानी पेठ आणि मंगळवारपेठ येथील 3 जणांना करोनाची लागण झाली आहे.

सांगवीतील 2 तर, बापलवाडी-चासकमान (ता. खेड) आणि दौंड येथील प्रत्येकी एका रुग्णाचा अहवाल पॉझिटिव्ह आला आहे. आज रुग्णालयामध्ये नव्याने 19 करोना संशयित रुग्णांना उपचारासाठी दाखल करण्यात आले.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

Leave A Reply

Your email address will not be published.