मुंबई – झी स्टुडिओज, आनंद एल. राय आणि भूषण कुमार या तीन दिग्गजांना एकत्र आणणारा पहिला मराठी चित्रपट म्हणजे ‘आत्मपँफ्लेट’. या चित्रपटाचे दिग्दर्शन नवोदित दिग्दर्शक आशिष बेंडे यांनी केले आहे. 73 व्या बर्लिन आंतरराष्ट्रीय चित्रपट महोत्सवात या चित्रपटाची निवड झाली आहे. या चित्रपटाच्या निमित्ताने नवोदितांसह अनेक दिग्गज एका कलाकृतीसाठी एकत्र आले आहेत.
‘आत्मपॅम्फ्लेट’ या चित्रपटाचे नाव जेवढे हटके आहे तेवढाच हा विषयही निराळा आहे. हा चित्रपट एका तरुण मुलाभोवती फिरणारा आहे, जो त्याच्या वर्गमित्राच्या प्रेमात पडतो. ही एकतर्फी प्रेमाची हृदयस्पर्शी कहाणी आहे, जी त्याच्या भोवतालच्या नाट्यमय सामाजिक-राजकीय बदलांच्या पलीकडे जाणारी आहे. ओम बेंडखळे, प्रांजली श्रीकांत भीमराव मुडे आणि केतकी सराफ यांच्या या चित्रपटात महत्त्वाच्या भूमिका आहेत.हरिश्चंद्राची फॅक्टरी आणि नुकताच प्रदर्शित झालेला ‘वाळवी’ यांसारख्या चित्रपटांचे लेखन आणि दिग्दर्शन करणाऱ्या परेश मोकाशी यांनी ‘आत्मपँफ्लेट’चे लेखन केले आहे.
Our film, #Aatmapamphlet, has officially been selected in the ‘Competition Section’ at the 73rd Berlin International Film Festival.
We couldn’t be more thrilled! ✨
Directed by @bendeashish
Produced by @ZeeStudios_, @cypplOfficial , and @TSeries pic.twitter.com/blZPu8TBDs
— Aanand L Rai (@aanandlrai) January 18, 2023
हा माझ्या आयुष्यातील सर्वात मोठा दिवस असल्याचे दिग्दर्शक आशिष अविनाश बेंडे सांगतात. जगात अनेक ठिकाणी युद्धं होत असतानाच हा चित्रपट प्रेम पसरवण्यावर भाष्य करणारा आहे असंही दिग्दर्शक यावेळी म्हणाले. तर ‘आत्मपँफ्लेट’चा भाग होणं, हा एक जबरदस्त अनुभव असल्याचे मत निर्माते आनंद एल राय यांनी व्यक्त केले आहे. झी स्टुडिओज सातत्याने जागतिक स्तरावर मान्यता प्राप्त होणारा आशय तयार करत आहे.त्याच अनुषंगाने या चित्रपटाला मिळालेलं हे एक मोठं यश आहे.