मुंबई – लीना मनिमेकलाई सोशल मीडियावर वादात सापडली आहे. याचे कारण म्हणजे लीना मनिमेकलाई यांच्या नुकत्याच चर्चेत आलेल्या माहितीपटाचे नवे पोस्टर. लीनाने तिच्या काली या माहितीपटाचे पोस्टर रिलीज केले होते, ज्यामुळे सोशल मीडियावर मोठा गोंधळ झाला होता.
ज्यावर लोकांचा आरोप आहे की या पोस्टरद्वारे त्यांच्या धार्मिक भावना दुखावल्या गेल्या आहेत. आता लोकांनीलीना मनिमेकलाईच्या चित्रपटाच्या पोस्टरबद्दल ट्रोल करण्यास सुरुवात केली आहे. इतकंच नाही तर हा वाद इतका वाढला आहे की काही वेळातच #arrestleenamanimekalai ट्विटरवर ट्रेंड होऊ लागला आहे.
Elsewhere…. pic.twitter.com/NGYFETMehj
— Leena Manimekalai (@LeenaManimekali) July 7, 2022
लीना मनिमेकलाई यांच्या काली या माहितीपटाचे पोस्टर सोशल मीडियावर आगीसारखे पसरले आहे. लीनाने रिलीज केलेल्या या पोस्टरमध्ये काली माता सिगारेट ओढताना दाखवण्यात आली आहे. माता कालीच्या एका हातात त्रिशूळ दाखवला आहे, तर दुसऱ्या हातात LGBTQ चा ध्वज आहे. यामुळेच आता पोस्टर पाहून लोक लीनाला ट्रोल करत आहेत.
या पोस्टरवरील वाद ताजा असतांनाच त्यांनी आता एक नवं ट्विट केलं आहे. या ट्विटची कॅप्शन अवघ्या एका शब्दाची आहे. मनिमेकलाई यांनी आज सकाळी सव्वा सात वाजता एक फोटो ट्विट केला आहे. या फोटोमध्ये भगवान शंकर आणि देवीची वेशभूषा केलेल्या दोन व्यक्ती सिगारेट ओढत असल्याचं दिसत आहे. या फोटोला मनमेकलाई यांनी ‘इतरत्र’ अशा अर्थाची कॅप्शन दिलीय. दरम्यान, यावरून चांगलच वातावरण तापले असून आता या नव्या ट्विटमुळे पुन्हा एकदा नव्या वादंग होण्यास सुरुवात झाली आहे.
कोण आहे लीना
लीना मणिमेकलाईबद्दल बोलायचे झाले तर, एक फिल्ममेकर असण्यासोबतच ती एक कवयित्री आणि अभिनेत्री म्हणूनही ओळखली जाते. लीनाने आपल्या चित्रपट निर्मितीच्या या यशस्वी कारकिर्दीत अनेक डॉक्युमेंटरी, फिक्शन आणि प्रायोगिक कविता चित्रपट बनवले आहेत. याशिवाय लीनाचे ५ काव्यसंग्रहही प्रकाशित झाले आहेत.
यापूर्वी अनेक चित्रपट वादात
जर आपण तिच्या यशाबद्दल बोललो तर लीनाने या छोट्या कारकिर्दीत मोठे यश मिळवले आहे. तिला आंतरराष्ट्रीय पुरस्कारांपासून अनेक राष्ट्रीय चित्रपट महोत्सव पुरस्कारांनीही सन्मानित करण्यात आले आहे. 2002 मध्ये मथम्मा लघुपटाद्वारे लीनाने आपला चित्रपट प्रवास सुरू केला. त्यानंतर अनेक वादग्रस्त चित्रपट इंडस्ट्रीला तिने दिले.