मुंबई -विवेक ओबेरॉय सध्या एका व्हिडीओमुळे खूप चर्चेत आला आहे. काही दिवसांपूर्वीच झालेल्या “व्हॅलेंटाईन डे’ च्या दिवशी हा व्हिडीओ शूट केला गेला होता. त्यामध्ये विवेक ओबेरॉय आणि त्याची पत्नी मोटरसायकलवरून डबल सीट चाललेले दिसत आहेत.
https://t.co/lUzdbP55co
What a start of this lovely valentine’s day with Main, Meri patni aur woh! A refreshing joyride indeed!
.
.
.@harleydavidson#WohAaGayi #HarleyDavidson #valentinespecial #loveforbikes #bikesofinstagram #loveandwheels#vroomValentine pic.twitter.com/THXrBllOVi— Vivek Anand Oberoi (@vivekoberoi) February 14, 2021
विवेक सुसाट बाईक पिटाळत आहे. तो ट्रॅफिकच्या नियमांचे उल्लंघनही करत असल्याचे या व्हिडीओमध्ये दिसते आहे. दोघांनीही मास्क घातलेले नाहीत. विवेक ओबेरॉयने हेल्मेटही घातलेले नाही. स्वतः विवेक ओबेरॉयने स्वतःच्या इन्स्टाग्राम अकाउंटवर हा व्हिडीओ शेअर केला आहे.
Pyaar humein kis mod pe le aaya!Nikle they nayi bike par hum aur hamari jaan, bina helmet ke kat gaya chalaan!Riding without a helmet?Mumbai police will do a checkmate!Thank u @mumbaipolice for making me realise that safety is always most important. Be safe,Wear a helmet & a mask
— Vivek Anand Oberoi (@vivekoberoi) February 20, 2021
या व्हिडीओच्या बॅकग्राऊंडवर विवेकच्या “साथियां’चे म्युजिकही ऐकू येते आहे. हा व्हिडीओ व्हायरल झाला आणि मुंबई वाहतुक पोलिसांनी त्याची दखल घेतली. या व्हिडीओच्या आधारे विवेकवर कारवाई देखील केली गेली. बेजबाबदारपणे बाईक चालवणे, वाहतुकीच्या नियमांचा भंग करणे, हेल्मेट, मास्क न घालता सार्वजनिक ठिकाणी बाईक चालवणे आदी मुद्दयांच्या आधारे विवेकला 500 रुपयांचा दंड केला गेला.
ई चलन पद्धतीने विवेकने हा दंड भरला असल्याचे समजते आहे. सध्या विवेकबाबत बॉलिवूडमध्ये काही विशेष खबरबात नाही. पण नुकत्याच झालेल्या प्रजासत्ताक दिनी त्याने शेतकऱ्यांच्या मुलांसाठी एक शिष्यवृत्तीची योजना जाहीर केली आहे. जेईई परीक्षा देऊ इच्छिणाऱ्या विद्यार्थ्यांसाठी एकूण 16 कोटी रुपयांची शिष्यवृत्ती त्याने देऊ केली आहे.