लखनऊ – उत्तरप्रदेशच्या शामली जिल्ह्यात एका खासगी वृत्तवाहिनीच्या पत्रकाराला मारहाण झाल्याची घटना घडली आहे. अमित शर्मा असे पत्रकराचे नाव असून तो मालगाडी रेल्वे ट्रॅकवरून घसरल्याने या वृत्ताचे तपशील मिळविण्यासाठी घटनास्थळी गेला होता. त्याचवेळी जीआरपी पोलीस कर्मचाऱ्यांनी अमितला अर्वाच्य भाषेत शिवीगाळ करत बेदम मारहाण केली. व त्याच्याकडून कॅमेराही हिसकावून घेतला. या सर्व घटनेचा व्हिडीओ सोशल मीडियावर व्हायरल झाला आहे.
पत्रकार अमित शर्मा याने म्हंटले कि, ते सध्या वेषात होते. कॅमेरा खाली पडल्याने तो उचलण्यास मी खाली वाकलो असता मारहाण करण्यास सुरुवात केली. आणि रात्रभर जेलमध्ये ठेवण्यात आले, असे त्यांनी सांगितले. ही घटना समोर येताच उत्तरप्रदेशचे डीजीपी ओपी सिंह यांनी तात्काळ शामली जीआरपी एसएचओ राकेश कुमार आणि कॉन्स्टेबल संजय पवार यांना निलंबित केले आहे.
#WATCH Shamli: GRP personnel thrash a journalist who was covering the goods train derailment near Dhimanpura tonight. He says, "They were in plain clothes. One hit my camera&it fell down. When I picked it up they hit&abused me. I was locked up, stripped&they urinated in my mouth" pic.twitter.com/nS4hiyFF1G
— ANI UP/Uttarakhand (@ANINewsUP) June 11, 2019