Ubon Smart Glasses Price : तंत्रज्ञान झपाट्याने बदलत आहे, आता फक्त फोन आणि घड्याळेच नाही तर चष्माही स्मार्ट आणि हायटेक झाला आहे. अर्थात गुगल ग्लास आणि जिओ ग्लास अद्याप ग्राहकांसाठी बाजारात आलेले नसले तरी उबोन कंपनीचे स्मार्ट ग्लासेस ग्राहकांसाठी बाजारात उपलब्ध आहेत.
जर तुम्हालाही स्मार्ट चष्मा (ग्लास) वापरायचा असेल, तर तुम्हाला Ubon स्मार्ट ग्लास आवडेल जो तुम्हाला परवडणाऱ्या दरात येतोय , स्मार्ट चष्म्याची किंमत किती आहे आणि कोणते फिचर आहे जाणून घ्या..
Ubon Magic Sunglasses J1 Price
या स्मार्ट चष्म्याची किंमत 1999 रुपये असली तरी 35 टक्के सूट मिळाल्यानंतर हे Ubon Magic Sunglasses 1299 रुपयांना विकले जात आहे. हा स्मार्ट चष्म्या काळ्या रंगात खरेदी केला जाऊ शकतो. काही दिवसांपूर्वी लॉन्च झालेल्या या स्मार्ट ग्लासवर ६ महिन्यांची वॉरंटी दिली जाणार आहे. कंपनीच्या अधिकृत साइट व्यतिरिक्त, हे डिव्हाइस निवडक रिटेल स्टोअरमधून खरेदी केले जाऊ शकते.
जाणून घ्या खास फिचर
या उपकरणाची खास गोष्ट म्हणजे यात वायरलेस स्पीकर आहे, 15mm स्पीकरचा वापर उत्तम आवाजाच्या गुणवत्तेसाठी करण्यात आला आहे. हे स्मार्ट ग्लासेस IP65 रेटिंगसह येतात जे डस्टप्रूफ आणि वॉटरप्रूफ आहेत. डोळ्यांच्या सुरक्षेसाठी अँटी UVA/UVB समर्थन देखील प्रदान केले आहे.
V8 चार्जिंग पोर्ट व्यतिरिक्त, ऑन-ऑफ बटण आणि HD गुणवत्ता स्पीकर प्रदान केले आहे. हे स्मार्ट ग्लासेस ब्लूटूथ आवृत्ती ५.३ द्वारे फोनशी सहजपणे कनेक्ट केले जाऊ शकतात. चार्जिंगसाठी टाइप-सी पोर्ट वापरला गेला आहे आणि तुम्हाला या डिव्हाइसमध्ये एक इन-बिल्ट मायक्रोफोन देखील मिळेल.
Jio Glass कधी येणार?
इंडियन मोबाईल काँग्रेस 2023 मध्ये Jio Glass दाखवण्यात आला आहे, परंतु हा डिवाइस कधी लॉन्च होईल किंवा या डिवाइसची किंमत काय असेल याबाबत सध्या कोणतीही माहिती समोर आलेली नाही?