बिबट्याचे ५ बछडे मृत अवस्थेत सापडल्याने एकच खळबळ

पुणे – पुण्यातील जुन्नर मध्ये बिबट्याचे ५ बछडे मेलेल्या अवस्थेत सापडले आहेत. जुन्नर तालुक्यातील अवसारी गावात शेतात हे बछडे आढळले असून ते सर्वच्या सर्व मृत असल्याची माहिती मिळाली आहे. या घटनेमुळे सर्वत्र एकच खळबळ उडाली आहे.

शेतातील कामगारांना कापणीसाठी आल्यानंतर, त्यातील एका महिलेने बिबट्याची बछडे असल्याचे पाहिले. “आम्ही कापणीसाठी येथे आलो होतो. मालकाने आम्हाला शेतात कचरा जाळण्यासाठी सांगितले.” अशी माहिती येथे काम करणाऱ्या कामगारांनी दिली आहे.

शेतात घोणस दिसल्याने तिला मारण्यासाठी त्या भागातील शेतातला ऊस पेटवून देण्यात आला होता. तेवढ्यात ऊसाच्या शेतातून बिबट्याची मादी बाहेर पळून गेली आणि दोन तासांनी पाच पिल्ले मृत अवस्थेत ऊसतोड कामगारांना सापडली.

Maharashtra: 5 leopard cubs were found dead in a sugarcane farm in Awasari village near Junnar tehsil of Pune today. Workes say, "We had come here to cut the harvest. Owner told us to burn the trash on field, we didn't know the cubs were there. A woman spotted them later&told us" pic.twitter.com/fSQccuJSoq

— ANI (@ANI) April 3, 2019

घटनास्थळी वनविभाचे अधिकारी दाखल झाले आहेत. दरम्यान, या घटनेमुळे बिबट्याची मादी अधिक आक्रमक होण्याची शक्यता आहे, अशी माहिती वनविभागाच्या अधिकाऱ्यांनी दिली.