काबूल – तालिबान सरकारने महिलांना महाविद्यालयांमध्ये शिक्षण घेण्यास बंदी घातल्यानंतर अफगाणिस्तानमधील शिक्षक समुदायामध्ये मोठ्या प्रमाणावर नाराजी आहे. त्याची झलक अफगाणिस्तानमधील एका टीव्ही शोमध्येही पाहायला मिळाली. कार्यक्रमातील अँकरसोबत या विषयावर चर्चा करणाऱ्या काबुल विद्यापीठातील एक प्राध्यापक इतका संतप्त झाला की त्याने कार्यक्रम सुरु असताना त्याच्या पदवींची प्रमाणपत्रे फाडून टाकली. माझ्या माता-भगिनींना वाचता येत नसेल तर मला या पदव्यांची गरज नाही, असे प्राध्यापक म्हणाले.

केजरीवालांचा सामना कोण करणार? भाजपकडून दिल्लीच्या तख्तावर बसविण्यासाठी ‘या’ नेत्यांच्या नावांची चर्चा

लाइव्ह शोमध्ये अफगाण प्रोफेसरच्या पदव्या फाडल्याचा व्हिडिओ सोशल मीडियावर व्हायरल होत आहे. चर्चेदरम्यान धक्कादायक म्हणजे ते त्यांचे सर्व पदवी डिप्लोमा आणि प्रमाणपत्रे एक-एक करून काढून सार्वजनिक ठिकाणी फाडताना दिसत आहेत. हा व्हिडिओ शबनम नसिमीने ट्विटरवर शेअर केला आहे. शबनम या अफगाण पुनर्वसन आणि निर्वासित प्रकरणांच्या मंत्र्यांच्या माजी सल्लागार आहेत. नसीमी सध्या कॉन्झर्व्हेटिव्ह फ्रेंड्‌स ऑफ अफगाणिस्तान समूहाचे कार्यकारी संचालक म्हणून काम पाहत आहेत. इंग्लंडमध्ये अफगाणिस्तानच्या प्रश्‍नांविषयी जागरुकता वाढवण्यासाठी हा गट कार्य करतो.

तालिबानचे महिलांवर अनेक निर्बंध 

गेल्या वर्षी ऑगस्टमध्ये अमेरिकन सैन्याने माघार घेतल्यानंतर तालिबानने अफगाणिस्तानवर पुन्हा कब्जा केला आहे. तालिबान नेत्यांनी सत्ता काबीज केल्यानंतर उदारमतवादी शासनाचे आश्वासन दिले होते. मात्र, तालिबान सरकारच्या कारवायांमध्ये औदार्य दिसून येत नाही. त्यांनी महिलांवर शिक्षणासह अनेक बंधने लादली आहेत. गेल्या आठवड्यात तालिबान सरकारने महिलांना अफगाणिस्तानातील महाविद्यालये आणि विद्यापीठांमध्ये जाण्यास बंदी घातली होती. त्यावर व्यापक टीका होत आहे.

सर्व सार्वजनिक आणि खाजगी विद्यापीठांना लिहिलेल्या पत्रात, तालिबान सरकारचे उच्च शिक्षण मंत्री नेदा मोहम्मद नदीम म्हणाले, “पुढील सूचना मिळेपर्यंत मुलींचे शिक्षण निलंबित करण्याच्या आदेशाची तात्काळ अंमलबजावणी करण्यासाठी तुम्हा सर्वांना सूचित केले जाते. याआधी, महिलांसाठी महाविद्यालयांमध्ये स्वतंत्र दारे असावीत, वर्गात केवळ वृद्ध प्राध्यापकांनी किंवा महिला प्राध्यापकांनीच अभ्यास करावा, असे फर्मान काढण्यात आले होते.