जुन्नर(प्रतिनिधी) – जुन्नर तालुक्यात पुराच्या पाण्यात वाहून गेलेला तरुण नशीब बलवत्तर असल्याने सुदैवाने बचावला आहे. जुन्नर तालुक्यात सध्या पावसाने जोरदार हजेरी लावली आहे. सातत्याने पडत असलेल्या पावसामुळे ओढे नाले यांना पूर आल्याचे चित्र दिसत आहे.
जिल्हा प्रशासनाने खबरदारीचा उपाय म्हणून घराबाहेर पडू नये असा इशारा देण्यात आला आहे. तरीही नागरीक जीव धोक्यात घालून पुराच्या पाण्यातून रस्ता ओलांडण्याचा प्रकार करत आहेत. जुन्नर तालुक्यातील गोद्रे गावातील एक तरुण पावसाच्या पाण्यात वाहून गेला होता.
एकनाथ रेंगडे असे तरुणाचे नाव असून तो गोद्रे येथील रहिवासी आहे. तरुणाचे नशीब बलवत्तर म्हणून तो सुरक्षित सापडला आहे. तरी नागरिकांनी याबाबत काळजी घेण्याचे आवाहन प्रशासनाकडून करण्यात आले आहे.