हॉल ऑफ फेम एटीपी टेनिस स्पर्धेत पेसची आगेकूच

न्यूपोर्ट, दि.20-भारताच्या लिएंडर पेस याने न्यूझीलंडच्या मार्कोस डॅनियलच्या साथीत हॉल ऑफ फेम एटीपी टेनिस स्पर्धेतील दुहेरीत उपांत्य फेरी गाठली. त्यांनी मॅथ्यु एब्डेन व रॉबर्ट लिंडस्टेड यांचा 6-4, 5-7, 14-12 असा संघर्षपूर्ण लढतीनंतर पराभव केला.

पेस या 45 वर्षीय खेळाडूने पासिंग शॉट्‌सचा सुरेख खेळ केला. तसेच त्याने वेगवान व बिनतोड सर्व्हिसही केल्या. डॅनियलनेही जमिनीलगत परतीचे फटके व नेटजवळून प्लेसिंग असा चतुरस्त्र खेळ करीत त्याला चांगली साथ दिली. 2006 मध्ये जॉन मॅकेन्‍रोने सॅन होजे एटीपी स्पर्धेत वयाच्या 47 व्या वर्षी भाग घेतला होता.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

Leave A Reply

Your email address will not be published.