बॅटलग्राऊंड्स मोबाईल इंडिया अर्थात पबाजी मोबाइल गेमचा नवीन अवतार २ जुलै रोजी भारतात लाँच करण्यात आला आणि आता दोन महिन्यांत हा गेम 50 दशलक्षाहून म्हणजे तब्बल पाच कोटींहून अधिक लोकांनी डाउनलोड केला आहे. कंपनीने एका प्रसिद्धीपत्रकाद्वारे ही माहिती दिली आहे.
गेमच्या डेव्हलपर कंपनी क्राफ्टनने ५० दशलक्ष म्हणजेच पाच करोड डाउनलोडसाठी बक्षीस जाहीर केले होते, त्यानंतर डाउनलोडमध्ये प्रचंड वाढ झाली आहे.
बॅटलग्राउंड्स मोबाईल इंडिया सध्या अँड्रॉईडसाठी उपलब्ध आहे आणि लवकरच आयओएस आवृत्ती प्रसिद्ध केली जाईल. 50 दशलक्ष डाउनलोड पूर्ण केल्यानंतर, कंपनीने लाभ मिळवणाऱ्या गॅलेक्सी मेसेंजर आउटफिट प्लेयर्ससाठी कायमस्वरूपी बक्षीस जाहीर केले आहे. हा गेम गुगल प्ले स्टोअरवरून मोफत डाऊनलोड केला जाऊ शकतो.
या महिन्याच्या सुरुवातीला बॅटलग्राउंड्स मोबाईल इंडियाने मोठी कारवाई केली. क्राफ्टोनने आपल्या निवेदनात म्हटले आहे की तीन लाख ३६ हजार खेळाडूंच्या खात्यावर बंदी घातली. हे खेळाडू गेममध्ये फसवणूक करत होते.
३० जुलै ते ५ ऑगस्ट दरम्यान केलेल्या तपासात तीन लाख ३६ हजार खाती गेममध्ये फसवणूक करताना पकडली गेली आहेत, त्यानंतर या खात्यांवर कायमची बंदी घालण्यात आली आहे, म्हणजे ही खाती पुन्हा कधीही गेम खेळू शकणार नाहीत. .