Gas Cylinder Price – नव्या वर्षाच्या पहिल्याच दिवशी तेल कंपन्यांनी 19 किलोच्या व्यावसायिक एलपीजी सिलिंडरच्या किंमतीत कपात केली आहे. कंपन्यांनी सिलिंडरच्या दरात 1.50 रुपयांची कपात केली आहे. नवीन किमती आजपासून म्हणजेच 1 जानेवारी 2024 पासून लागू होतील.
घरगुती एलपीजी सिलिंडरच्या किंमतीत कोणताही बदल झालेला नाही. त्यामुळे या दरकपातीचा थेट फायदा सर्वसामान्यांना मिळणार नाही. घराच्या किचनमध्ये वापरले जाणारे सिलिंडर जुन्या दरानेच मिळणार आहे.
निवडणुकीचे वर्ष येताच सर्वसामान्य ग्राहकांना दिलासा मिळेल अशी अपेक्षा वर्तवली जात होती, परंतु अद्याप तरी घरगुती गॅस सिलिंडरच्या किमतीत कोणताही बदल झालेला नाही.
नवीन वर्षाच्या पहिल्या दिवासापासून म्हणजेच 1 जानेवारी 2024 पासून नवे दर लागू झाले असून या दरांनुसार राजधानी दिल्ली मध्ये 19 किलोचा व्यावसायिक एलपीजी सिलिंडर 1755.50 रुपयांना मिळेल, तर कोलकातामध्ये 1869 रुपये, मुंबईत 1708.50 रुपये आणि चेन्नईमध्ये 1924.50 रुपयांना मिळेल.
दरम्यान आता विमान प्रवास देखील स्वस्त होईल अशी अपेक्षा आहे. कारण तेल विपणन कंपन्यांनी विमान इंधनाच्या किमतीही कमी केल्या आहेत. विमान इंधनाच्या किंमती सुमारे 4162.50 रुपये प्रति किलोने कमी झाल्या आहेत. सलग तिसऱ्यांदा ही कापत करण्यात आली आहे. या कपातीमुळे हवाई भाडे कमी होण्याची अपेक्षा आहे. नवे दर आजपासून लागू होणार आहेत.