छत्तीसगडमध्ये नक्षलवाद्यांच्या हल्ल्यात ४ जवान शहीद

बस्तर – छत्तीसगडच्या कांकेर मध्ये नक्षलवाद्यांनी सीमा सुरक्षा दलाच्या (बीएसएफ) जवानांवर हल्ला केला आहे. नक्षलवाद्यांसोबत झालेल्या चकमकीत एका सहाय्यक पोलीस उपनिरीक्षकासह तीन कॉन्स्टेबल शहीद झाले आहेत.

छत्तीसगडच्या बस्तर जिल्ह्यामधील कांकेर मध्ये हा हल्ला झाला असून बीएसएफ जवान परिसरातील जंगलात गस्तीवर असताना नक्षलवाद्यांनी अचानक गोळीबार करण्यास सुरुवात केली. परतापूर पोलीस स्थानकाच्या हद्दीत नक्षलवादी आणि जवानांमध्ये झालेल्या चकमकीत बीएसएफचे ४ जवान शहीद झाले आहेत. तर  २ जवान जखमी झाले आहेत

ऐन लोकसभा निवडणुकीच्या तोंडावर हा हल्ला झाला असून, यापूर्वी नक्षलवाद्यांनी बस्तर आणि कांकेर येथे बॅनर्स लावून निवडणुकीवर बहिष्कार टाकण्यास सांगितले होते.

डिजिटल प्रभातचे टेलिग्राम जॉईन करण्यासाठी येथे क्लिक करा

You might also like

Leave A Reply

Your email address will not be published.