काही वर्षांपूर्वी जेव्हा लस्ट स्टोरीज नेटफ्लिक्सवर आली होती, तेव्हा ती तिच्या अनोख्या यूनिक कंटेंट आणि स्टार कास्टमुळे प्रसिद्धीच्या झोतात आली होती. या चित्रपटात चार वेगवेगळ्या कथांच्या मदतीने लैंगिक संबंधांबद्दलचे आकर्षण कसे सीमारेषा ओलांडते हे दाखवण्यात आले. या चित्रपटाने चाहत्यांचे लक्ष वेधून घेतले असून आता या चित्रपटाच्या दुसऱ्या भागाचा टीझर प्रदर्शित करण्यात आला आहे. याबद्दल चाहते उत्सुक असून प्रतिक्रिया देताना दिसत आहेत.
नेटफ्लिक्सने नुकताच इन्स्टाग्रामवर टीझर शेअर केला आहे, ज्यामध्ये या चित्रपटाबाबत प्राथमिक घोषणा करण्यात आली आहे. यावेळी चार वेगवेगळे सक्षम दिग्दर्शक चित्रपटाच्या चार वेगवेगळ्या कथांचे दिग्दर्शन करत आहेत. यामध्ये आर.बाल्की, सुजॉय घोष, अमित रविंदरनाथ शर्मा आणि कोंकणा सेन शर्मा यांच्या नावांचा समावेश आहे. चित्रपटाच्या दुसऱ्या भागात स्टारकास्टही बदलण्यात आली आहे.
लस्ट स्टोरीज 2 विकी कौशल, भूमी पेडणेकर आणि कियारा अडवाणी यांनी चित्रपटात आपल्या अभिनयाने प्रभावित केले होते, तर दुसरीकडे आता काजोल, नीना गुप्ता आणि विजय वर्मा या चित्रपटात महत्त्वाच्या भूमिका साकारताना दिसणार आहेत. नेटफ्लिक्सने चित्रपटाच्या टीझरसोबत कॅप्शनमध्ये लिहिले आहे, तुम्हाला पहिल्या नजरेत लैंगिकतेवर विश्वास आहे का? कारण आम्ही पुन्हा नव्या कथा आणि नव्या कलाकारांसह सज्ज झालो आहोत.’ सध्या लस्ट स्टोरीज 2 टिझर सोशल मीडियावर चांगलाच चर्चेत आला आहे.