नवी दिल्ली – देशातील नव्या करोना रुग्णांची संख्या आता चाळीस हजारांच्याही खाली आली आहे. आरोग्य मंत्रालयाने दिलेल्या माहितीनुसार देशात गेल्या 24 तासांत करोनाचे 37 हजार 566 नवीन रुग्ण आढळून आले आहेत.
मृतांचा आकडाही एक हजाराच्या आत आला असून, देशात गेल्या 24 तासांत 907 करोना रुग्णांचा मृत्यू झाला आहे. त्यामुळे देशात करोनामुळे मरण पावलेल्यांची संख्या आता 3 लाख 97 हजार 637 इतकी झाली आहे.
दरम्यान, काल दिवसभरात देशात देण्यात आलेल्या नव्या करोना लस डोसमुळे लस देण्यात आलेल्या नागरिकांची एकूण संख्या आता 32 कोटी 90 लाख इतकी झाली आहे. सध्या देशातील करोनाच्या सक्रिय बाधितांची संख्या 5 लाख 52 हजार 659 इतकी आहे. देशाचा साप्ताहिक पॉझिटिव्हिटी रेट 2.74 टक्के इतका झाला आहे.