माउंट माउंगनुई : सलामीवीर हेनरी निकोल्स, मार्टिन गप्टिल आणि काॅलिन डी ग्रैंडहोमच्या नाबाद अर्धशतकी खेळीच्या जोरावर न्यूझीलंडने भारतीय संघाला तिस-या एकदिवसीय सामन्यात ५ विकेटनी पराभूत करत विजय नोंदविला. यासह न्यूझीलंड संघाने तीन सामन्याची मालिका ३-० ने जिंकत निर्भेळ यश मिळविले. हेनरी निकोल्स सामनावीर ठरला.
Colin de Grandhomme does it! Finishes it with a boundary to complete a 5 wicket win! He finishes 58* from 28 while Latham is 32* from 34. A 3-0 ODI series win over India. Scorecard | https://t.co/ME4kbXC4Jg #NZvIND pic.twitter.com/c4MMxES8rg
— BLACKCAPS (@BLACKCAPS) February 11, 2020
भारतीय संघाने विजयासाठी दिलेले २९७ धावांचे लक्ष्य न्यूझीलंडने ४७.१ षटकांत ५ बाद ३०० धावा करत सहज पूर्ण केले. न्यूझीलंडकडून हेनरी निकोल्सने ८०(१०३), मार्टिन गप्टिलने ६६(४६), काॅलिन डी ग्रैंडहोमने नाबाद ५८(२८) आणि टाॅम लाथमने नाबाद ३२(३४) धावांची खेळी केली. कर्णधार केन विल्यमसनने २२(३१) धावा केल्या. भारताकडून गोलंदाजीत युजवेंद्र चहलने १० षटकात ४७ धावा देत सर्वाधिक ३ गडी बाद केले. शार्दुल ठाकूर आणि रविंद्र जडेजाने प्रत्येकी १ गडी बाद केला.
Innings Break!
A fine century by @klrahul11 (112), gritty 62 by @ShreyasIyer15 help #TeamIndia post a total of 296/7 on the board.
Scorecard – https://t.co/Y0xJSkf7zK #NZvIND pic.twitter.com/fIwAIqpPUR
— BCCI (@BCCI) February 11, 2020
तत्पूर्वी, न्यूझीलंडचा कर्णधार केन विल्यमसनने टाॅस जिंकून क्षेत्ररक्षण स्विकारले होते. त्यानंतर प्रथम फलंदाजी करताना भारताने ५० षटकांत ७ बाद २९६ धावा केल्या. भारताकडून लोकेश राहुलने ११३ चेंडूत (९ चौकार व २ षटकार) ११२ तर श्रेयस अय्यरने ६३ चेंडूत (९ चौकार) ६२ धावा केल्या. याशिवाय मनीष पांडेने ४२(४८), पृथ्वी शाॅने ४०(४२) धावांची खेळी केली. राहुलने या सामन्यात कारकिर्दीतील चौथे शतक झळकावले. कर्णधार विराट कोहली ९ तर मयंक अग्रवाल १ धाव काढून बाद झाला.
💯
ODI century No.4 and his first at No. 5. What an impressive knock this has been from the versatile @klrahul11. He brings up his century in 104 balls with 9×4 and 1×6.#NZvIND pic.twitter.com/q8Vi5BK1I0
— BCCI (@BCCI) February 11, 2020
न्यूझीलंडकडून हेमिश बेनेटने १० षटकांत ६४ धावा देत सर्वाधिक ४ गडी बाद केले. काइल जेमीसन आणि जेम्स नशीमने प्रत्येकी १ गडी बाद केला.