राज्यात थंडीचा जोर वाढला

दोन अंशाने घट : थंडीत आणखी होणार वाढ

पुणे – राज्यातील किमान तापमानात दोन अंशाने घट झाल्यामुळे थंडी वाढू लागली आहे. मध्य महाराष्ट्र पाठोपाठ विदर्भात थंडी जोर धरू लागली असून, पुढील दोन दिवस राज्यात थंडी वाढणार असल्याची शक्‍यता भारतीय हवामानशास्त्र विभागाने वर्तविली आहे. दरम्यान, अहमदनगर येथे सर्वांत कमी 10 अंश सेल्सिअस किमान तापमानाची नोंद झाली असून, पुणे शहराचा पाराही खाली येत आहे.

-Ads-

मागील 24 तासांत गोव्यासह संपूर्ण राज्याच्या किमान तापमानात सरासरीच्या तुलनेत किंचीत घट झाली आहे. तर पुढील दोन दिवस हवामान कोरडे राहणार असून, अधून-मधून ढगाळ वातावरणामुळे गारठा वाढण्याची शक्‍यता असल्याचे हवामान विभागातर्फे सांगण्यात आले. दरम्यान, पुणे शहरातील किमान तापमानात एक अंशाने घट झाली आहे. दिवसभर आकाश निरभ्र असल्यामुळे दिवसा उन्हाचा चटका आणि रात्री गारठा असा अनुभव सध्या नागरिक घेत आहेत. रविवारी (दि.2) शहरातील किमान तापमान 12 अंश सेल्सिअस इतकी नोंद झाली असून, पुढील दोन दिवसांत किमान तापमानात आणखीन घट होण्याची शक्‍यता असल्याचे हवामान विभागाने सांगितले.

राज्यात मागील चार दिवसांपासून किमान तापमानात घट होत असल्यामुळे गारठा चांगला जाणवत आहे. अहमदनगर येथील किमान तापमान 10 अंशापर्यंत खाली आले असून, औरंगाबाद, नागपूर, नाशिक या जिल्ह्यांतील तापमानातही घट झाली आहे. तर रत्नागिरी येथे सर्वाधिक कमाल तापमान 35 अंश सेल्सिअस इतकी नोंद झाली आहे.

महाबळेश्‍वरपेक्षा अहमदनगर, पुणे थंड
थंड हवेचे ठिकाण असलेल्या महाबळेश्‍वरपेक्षा अहमदनगर जिल्हा अधिक थंड झाला आहे. महाबळेश्‍वर येथे किमान तापमान 14 अंश सेल्सिअस इतके असून, नगर जिल्ह्यात सर्वांत कमी 10 अंश सेल्सिअस किमान तापमानाची नोंद झाली आहे. तसेच पुणे, नाशिक आणि औरंगाबाद शहरही महाबळेश्‍वरपेक्षा थंड झाली आहेत.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)